Ferill 106. máls. Aðrar útgáfur af skjalinu: PDF - Word Perfect.
106. löggjafarþing 1983–84.
Nr. 18/106.
Þskj. 1117 — 106. mál.
Þingsályktun
um landnýtingaráætlun.
Alþingi ályktar að fela ríkisstjórninni að hlutast nú þegar til um að undirbúningi og vinnu við landnýtingaráætlun verði hraðað. Við gerð slíkrar áætlunar verði lögð áhersla á sem hagkvæmasta nýtingu og varðveislu landgæða.
Gerð verði kostnaðaráætlun um landnýtingarskipulag sem taki til allra meginþátta landnýtingar. Áætlunin verði lögð fyrir Alþingi og á grundvelli hennar verði tekin ákvörðun um framkvæmdahraða.
Samþykkt á Alþingi 22. maí 1984.
