Fyrirspyrjandi (Hjörleifur Guttormsson):
Virðulegur forseti. Ég eftirlæt hæstv. ráðherrum að svara þeirri túlkun sem hér kom fram frá hv. 4. þm. Austurl., en kjarninn í því máli sem hér hefur verið til umræðu finnst mér vera sá að það þarf að marka skýrari stefnu en fyrir liggur af hálfu Alþingis varðandi atvinnuráðgjöf í landinu og tryggja fjárveitingar af hálfu ríkisins til að örva þá starfsemi til stuðnings við frumkvæði á hinum einstökum svæðum.
Ég held að það megi alls ekki líta á þessi mál þeim augum að ríkið geti leyft sér að draga við sig í þessum efnum varðandi stuðning. Ég held að allar aðstæður bjóði að hann verði aukinn. Ég tel ekki vænlegt að tengja þetta í löggjöf við Byggðastofnun heldur eigi þarna að vera sérstök löggjöf um stuðning við atvinnuráðgjöf í landshlutunum og vil skoða þetta mál áframhaldandi út frá þeirri hugsun.
Virðulegur forseti. Ég eftirlæt hæstv. ráðherrum að svara þeirri túlkun sem hér kom fram frá hv. 4. þm. Austurl., en kjarninn í því máli sem hér hefur verið til umræðu finnst mér vera sá að það þarf að marka skýrari stefnu en fyrir liggur af hálfu Alþingis varðandi atvinnuráðgjöf í landinu og tryggja fjárveitingar af hálfu ríkisins til að örva þá starfsemi til stuðnings við frumkvæði á hinum einstökum svæðum.
Ég held að það megi alls ekki líta á þessi mál þeim augum að ríkið geti leyft sér að draga við sig í þessum efnum varðandi stuðning. Ég held að allar aðstæður bjóði að hann verði aukinn. Ég tel ekki vænlegt að tengja þetta í löggjöf við Byggðastofnun heldur eigi þarna að vera sérstök löggjöf um stuðning við atvinnuráðgjöf í landshlutunum og vil skoða þetta mál áframhaldandi út frá þeirri hugsun.