Menntamálaráðherra (Svavar Gestsson):
    Hæstv. forseti. Ég leyfi mér að þakka þann mikla áhuga sem formaður Sjálfstfl. sýnir á framgangi þeirra mála sem ríkisstjórnin hefur lagt fyrir þingið og vænti þess að þessi mikli áhugi hans og það kapp sem hann leggur á að ríkisstjórnin komi sínum málum áleiðis sé til marks um að við öll eigum gott samstarf þá daga sem fram undan eru.