Eiður Guðnason:
Herra forseti. Ég mælist til þess að við athugum aðeins okkar gang og könnum til þrautar hvort ekki verði hægt að ljúka þessari umræðu í kvöld. Ég hygg að 2. umr. um lánsfjárlög hafi tekið allmiklu lengri tíma í Nd. en menn höfðu ætlað. Þar ræddu menn málið mjög ítarlega fram eftir öllum degi og ég mundi gera það að tillögu minni við hæstv. forseta þessarar deildar að við frestuðum fundi í eins og 15--20 mínútur til þess að vita hvort við gætum ekki séð til lands og lokið þessu verki nú í kvöld eins og um var talað og hv. 2. þm. Norðurl. e. minntist réttilega á hér áðan. Það hefur ekki verið undan neinu að kvarta í samskiptum stjórnar og stjórnarandstöðu hér í þessari hv. deild í kvöld og allt gengið með góðum og eðlilegum hætti. Þess vegna er það fróm ósk að við dokum við í kannski 15--20 mínútur og könnum betur raunverulega stöðu mála í Nd. Það má vel vera að það komi í ljós að við þurfum að koma hér saman aftur kl. 2 á morgun. En ég mælist til þess að við athugum málið aðeins betur áður en ákvörðun verður tekin um að fresta fundi til morguns.
Herra forseti. Ég mælist til þess að við athugum aðeins okkar gang og könnum til þrautar hvort ekki verði hægt að ljúka þessari umræðu í kvöld. Ég hygg að 2. umr. um lánsfjárlög hafi tekið allmiklu lengri tíma í Nd. en menn höfðu ætlað. Þar ræddu menn málið mjög ítarlega fram eftir öllum degi og ég mundi gera það að tillögu minni við hæstv. forseta þessarar deildar að við frestuðum fundi í eins og 15--20 mínútur til þess að vita hvort við gætum ekki séð til lands og lokið þessu verki nú í kvöld eins og um var talað og hv. 2. þm. Norðurl. e. minntist réttilega á hér áðan. Það hefur ekki verið undan neinu að kvarta í samskiptum stjórnar og stjórnarandstöðu hér í þessari hv. deild í kvöld og allt gengið með góðum og eðlilegum hætti. Þess vegna er það fróm ósk að við dokum við í kannski 15--20 mínútur og könnum betur raunverulega stöðu mála í Nd. Það má vel vera að það komi í ljós að við þurfum að koma hér saman aftur kl. 2 á morgun. En ég mælist til þess að við athugum málið aðeins betur áður en ákvörðun verður tekin um að fresta fundi til morguns.