Ragnhildur Helgadóttir:
Frú forseti. Mér þykir ekki skemmtilegt að þurfa að vera að gera þessar athugasemdir. Hins vegar get ég ekki látið því ómótmælt þegar fram fer umræða um grundvallaratriði í íslenskum utanríkismálum og það er sýnt þegar klukkan er orðin um eitt að stjórnarsinnar eru komnir í mjög hraklega aðstöðu, að þá stendur hæstv. forseti upp og segir: Ég ákveð að hv. 1. þm. Norðurl. v., sem hún gaf orðið, sé síðasti maður á mælendaskrá og þar með ljúki umræðunum. Að vísu gaf hæstv. forseti svo hæstv. ráðherra orðið þar á eftir, en þessi ákvörðun hæstv. forseta getur ekki staðist samkvæmt þingsköpum og vitnaði hæstv. forseti þó til þingskapa um þetta efni og til 2. mgr. 38. gr. þar sem segir:
,,Forseti gengur stungið upp á að umræðum sé hætt og einnig getur forseti lagt til, hvort heldur í byrjun umræðu eða síðar, að umræðum um mál skuli lokið að liðnum ákveðnum tíma.``
Forseti getur ekki ákveðið þetta án þess að bera það undir þingheim samkvæmt þessari grein. Það stendur skýrum stöfum í þessari þingskapagrein sem hæstv. forseti las sjálf upp úr. Á þetta vildi ég benda því að ég veit að bæði ég og fleiri þingmenn höfðum í huga eftir hinar nýju upplýsingar að biðja um orðið í umræðunni. Þess vegna vil ég nú benda á þetta að ég tel að þessi ákvörðun hæstv. forseta standist ekki. Hún getur lagt þetta til samkvæmt 38. gr. en ekki ákveðið það einhliða.
Frú forseti. Mér þykir ekki skemmtilegt að þurfa að vera að gera þessar athugasemdir. Hins vegar get ég ekki látið því ómótmælt þegar fram fer umræða um grundvallaratriði í íslenskum utanríkismálum og það er sýnt þegar klukkan er orðin um eitt að stjórnarsinnar eru komnir í mjög hraklega aðstöðu, að þá stendur hæstv. forseti upp og segir: Ég ákveð að hv. 1. þm. Norðurl. v., sem hún gaf orðið, sé síðasti maður á mælendaskrá og þar með ljúki umræðunum. Að vísu gaf hæstv. forseti svo hæstv. ráðherra orðið þar á eftir, en þessi ákvörðun hæstv. forseta getur ekki staðist samkvæmt þingsköpum og vitnaði hæstv. forseti þó til þingskapa um þetta efni og til 2. mgr. 38. gr. þar sem segir:
,,Forseti gengur stungið upp á að umræðum sé hætt og einnig getur forseti lagt til, hvort heldur í byrjun umræðu eða síðar, að umræðum um mál skuli lokið að liðnum ákveðnum tíma.``
Forseti getur ekki ákveðið þetta án þess að bera það undir þingheim samkvæmt þessari grein. Það stendur skýrum stöfum í þessari þingskapagrein sem hæstv. forseti las sjálf upp úr. Á þetta vildi ég benda því að ég veit að bæði ég og fleiri þingmenn höfðum í huga eftir hinar nýju upplýsingar að biðja um orðið í umræðunni. Þess vegna vil ég nú benda á þetta að ég tel að þessi ákvörðun hæstv. forseta standist ekki. Hún getur lagt þetta til samkvæmt 38. gr. en ekki ákveðið það einhliða.