Hægt er að sækja Word Perfect útgáfu af skjalinu, sjá
upplýsingar um uppsetningu á Netscape fyrir Word Perfect skjöl.
1988--89. -- 1058 ár frá stofnun Alþingis.
111. löggjafarþing. --
257
. mál.
Sþ.468. Fyrirspurn
til landbúnaðarráðherra um landnýtingu á Íslandi.
Frá Sigrúnu Helgadóttur.
1. Hvernig miðar vinnu við söfnun grunnupplýsinga svo að unnt sé að taka mikilvægar ákvarðanir um nýtingu landsins? Að hve miklu leyti hafa eftirtaldir þættir verið metnir og kortlagðir:
. a. jarðvegseyðing,
. b. ástand gróðurs, svo sem úthaga og birkikjarrs,
. c. beitarþol,
. d. möguleikar landsvæða til skógræktar,
. e. möguleikar landsvæða til fiskeldis?
2. Hve stór hluti landsins hefur nú verið gróðurkortlagður og hversu nákvæm eru þau kort?
3. Hvernig miðar gerð jarðabókar og jarðakorts landsins? Koma þar fram eftirtaldar upplýsingar um hverja jörð:
. a. stærð, staðsetning og landamörk,
. b. eignarhald, ábúð og íbúar,
. c. bústofn og fullvirðisréttur,
. d. aðstaða til búrekstrar, t.d. hvað varðar húsakost, ræktað land, beitiland og hlunnindi?
Hvernig er framsetningu þessara gagna háttað?
Greinargerð.
Í málefnasamningi ríkisstjórnar Steingríms Hermannssonar segir að gerð verði landnýtingaráætlun sem taki til hvers konar notkunar lands. Til þess að hægt sé að gera raunhæfa áætlun um nýtingu landsins og síðar þróun byggðar þurfa að vera tiltækar margvíslegar upplýsingar um náttúru landsins, landkosti með hliðsjón af ýmiss konar landnýtingu, íbúa, ástand byggðar og fjárfestingar. Því miður er engum einum aðila í stjórnkerfinu ætlað að hafa
yfirsýn yfir þessa þætti. Þess vegna fellur gagnasöfnun fyrir landnýtingaráætlun undir nokkur ráðuneyti, en hér er aðeins spurt um þann hluta hennar sem fellur undir landbúnaðarráðuneyti.
Skriflegt svar óskast.