Forseti (Salome Þorkelsdóttir):
    Nú hefur hæstv. fjmrh. beðið um orðið. Hann hefur nú þegar talað tvisvar og forseti vill beina því til hv. þm. að þegar þeir gera stuttar athugasemdir, þá er ekki hægt að leggja fyrir hæstv. ráðherra spurningar og ætlast til að hann svari þeim í svona fyrirspurnatíma þegar umræðum er í raun og veru lokið. En hann fær samt sem áður að gera stutta athugasemd.