Aldursforseti (Stefán Valgeirsson) :
Borist hefur svohljóðandi bréf, dags. 28. sept. 1990:
,,Hér með afsala ég mér þingmennsku í hendur 1. varaþingkonu Kvennalistans í Reykjavíkurkjördæmi, Guðrúnar J. Halldórsdóttur.
Um leið vil ég þakka þingmönnum og starfsfólki Alþingis fyrir samstarfið og óska þeim farsældar í framtíðinni.
Til forseta sameinaðs Alþingis,
Guðrúnar Helgadóttur.``
Samkvæmt bréfi þessu um afsal þingmennsku tekur Guðrún J. Halldórsdóttir, 1. varamaður Samtaka um kvennalista í Reykjavík, sæti á Alþingi sem 18. þm. Reykv., en Þórhildur Þorleifsdóttir verður hins vegar 12. þm. Reykv. og Kristín Einarsdóttir 6. þm. Reykv.
Hv. þingmaður Guðrún J. Halldórsdóttir hefur áður tekið sæti á Alþingi á þessu kjörtímabili sem varamaður og þarf því ekki að rannsaka kjörbréf hennar. Ég vil bjóða hana velkomna til starfa á Alþingi. Jafnframt vil ég færa Guðrúnu Agnarsdóttur, sem nú hverfur af þingi, þakkir fyrir störf hennar á Alþingi.
