Forsætisráðherra (Davíð Oddsson)
(andsvar)
:
Herra forseti. Ef ég les lengra, vegna þessara orða hv. 7. þm. Reykn., þá vakti einmitt Vilhjálmur Lúðvíksson athygli á því að markaðurinn væri líka í mikilli óvissu því hann segir: ,,Ég óttast að á næsta leiti sé alda fjárfestinga í fiskeldi sem að miklu leyti verði byggð á sandi, því þeir þættir sem arðsamt matfiskeldi þarf að byggjast á hér á landi eru enn að miklu leyti órannsakaðir og hvergi hefur enn þá verið sýnt fram á hvernig reka eigi fiskeldi í heild frá klaki til markaðar þannig að rekstraröryggi verði tryggt.``
