Stefán Guðmundsson
(um þingsköp)
:
Virðulegi forseti. Mér sýnist að þessi umræða hafi tekið nokkuð skyndilega nýja stefnu og menn hljóti að eiga eftir að leggja hér nokkur fleiri orð í belg en þeir reiknuðu með fyrir örskammri stund síðan. Því langar mig til þess að spyrja virðulegan forseta að því hvernig hann hugsar sér að þessi mál gangi fram í kvöld, hvort ekki eigi að gefa hér matarhlé. Ég hef áhuga fyrir að fá að vita um það. Ég á a.m.k. eftir að segja hér nokkur orð í viðbót og ég trúi því að svo sé um fleiri.
