Finnur Ingólfsson
:
Virðulegur forseti. Ég get tekið undir það með hæstv. fjmrh. að auðvitað hafa menn verið að leita leiða til að hagræða og spara á ýmsum sviðum í heilbrigðis- og tryggingamálunum og það var sérstaklega gert af fyrri ríkisstjórn. Ég minnist þess frá þeim tíma er fjmrh. var stjórnarformaður ríkisspítalanna að þá áttu sér stað mikil átök í Sjálfstfl. um það hvaða leið skyldi farin í að sameina sjúkrahús. Ég man ekki betur en hann hafi verið einn ötulasti baráttumaðurinn fyrir því að Borgarspítalinn og Landspítalinn yrðu sameinaðir í eitt sjúkrahús. Hann varð reyndar undir í þeim slag en ég er sannfærður um að hann var að gera það af fullri samviskusemi og var sáttur við sjálfan sig í þeirri baráttu. Því spyr ég: Ef fjmrh., og hann á auðvitað að hafa það fyrst og fremst að leiðarljósi, vill að sem mestur sparnaður og sem mest hagræðing náist út úr því sem hann er að gera á hverjum tíma af hverju beitir ráðherrann sér þá ekki fyrir því að sameina Borgarspítalann og Landspítalann? Ég er sannfærður um, ef sú sameining ætti sér stað, að staða Landakots, í starfstengslum við annað hvort þessara sjúkrahúsa sem sjálfstæður spítali, yrði sterkari á eftir heldur en það kæmi út úr þessari sameiningu þegar Borgarspítalinn gleypir það.
Virðulegur forseti. Ég get tekið undir það með hæstv. fjmrh. að auðvitað hafa menn verið að leita leiða til að hagræða og spara á ýmsum sviðum í heilbrigðis- og tryggingamálunum og það var sérstaklega gert af fyrri ríkisstjórn. Ég minnist þess frá þeim tíma er fjmrh. var stjórnarformaður ríkisspítalanna að þá áttu sér stað mikil átök í Sjálfstfl. um það hvaða leið skyldi farin í að sameina sjúkrahús. Ég man ekki betur en hann hafi verið einn ötulasti baráttumaðurinn fyrir því að Borgarspítalinn og Landspítalinn yrðu sameinaðir í eitt sjúkrahús. Hann varð reyndar undir í þeim slag en ég er sannfærður um að hann var að gera það af fullri samviskusemi og var sáttur við sjálfan sig í þeirri baráttu. Því spyr ég: Ef fjmrh., og hann á auðvitað að hafa það fyrst og fremst að leiðarljósi, vill að sem mestur sparnaður og sem mest hagræðing náist út úr því sem hann er að gera á hverjum tíma af hverju beitir ráðherrann sér þá ekki fyrir því að sameina Borgarspítalann og Landspítalann? Ég er sannfærður um, ef sú sameining ætti sér stað, að staða Landakots, í starfstengslum við annað hvort þessara sjúkrahúsa sem sjálfstæður spítali, yrði sterkari á eftir heldur en það kæmi út úr þessari sameiningu þegar Borgarspítalinn gleypir það.