Forseti (Gunnlaugur Stefánsson)
:
Borist hefur eftirfarandi bréf:
,,Þar sem ég hef nú þegar setið á Alþingi tvær vikur í veikindaforföllum Jóns Baldvins Hannibalssonar utanrrh. og get ekki sinnt þingstörfum lengur vegna starfs míns fer ég fram á að 2. varamaður Alþfl. í Reykjavíkurkjördæmi, Valgerður Gunnarsdóttir sjúkraþjálfari, taki sæti á Alþingi af þeim sökum.
Þetta er yður hér með tilkynnt, virðulegi forseti.``
Undir þetta bréf ritar Magnús Jónsson, 1. varamaður Alþfl. í Reykjavíkurkjördæmi.
Valgerður Gunnarsdóttir hefur áður tekið sæti á Alþingi á þessu löggjafarþingi og er boðin velkomin til starfa á ný.
