Ingibjörg Pálmadóttir
:
Virðulegi forseti. Fyrirspurn mín er til hæstv. heilbrrh. Vegna sparnaðaraðgerða í heilbrigðisgeiranum hefur leguplássum fyrir aldraða og sjúka fækkað í Reykjavík um 53 pláss, með lokun B-6 álmu Borgarspítalans, fækkun um sjö sjúklinga á B-4 álmu og lokun Hvítabandsins svo eitthvað sé nefnt. Því er spurningin: Hvert verður þessum öldruðu sjúklingum beint og á að koma til móts við þessa þörf á öðrum sjúkrastofnunum hér í Reykjavík og þá hvaða sjúkrastofnunum? Og í framhaldi af því, hvað verður um St. Jósefsspítala í Hafnarfirði? Verður þar hægt að taka á móti hvíldarinnlögnum í sumar?
