Ingibjörg Pálmadóttir :
Hæstv. forseti. Ég þakka hæstv. heilbrrh. svarið en hann hefur ekki skilið spurninguna. Spurningin er þessi: Hvert verður þessum öldruðu og sjúku beint? Ekki er enn þá ljóst hvort St. Jósefsspítalinn í Hafnarfirði hefur fjárhagslegt bolmagn til þess að taka inn þessar hvíldarinnlagnir. Það var spurningin.
Það er alveg ljóst að á deild B-6, sem hefur verið lokað, eru 27 pláss og ég trúi ekki öðru en það sé möguleiki að manna þessa deild, ég trúi ekki öðru og ég spyr heilbrrh.: Hvað ætlar hann að gera til að manna þessar deildir?
