Viðskiptaráðherra (Jón Sigurðsson)
(andsvar)
:
Virðulegi forseti. Ég get að vísu ekki glatt eyru hv. 14. þm. Reykv. með því að láta nið aldanna hljóma. M.a. hef ég ekki verið jafnlengi á þingi og hv. þm. Ég spyr sjálfan mig að því hversu lengi menn þurfa að vera á þingi til þess að kynnast því sem kalla mætti málamiðlun í jöfnunaraðgerðum af hálfu hins opinbera. Ég hélt að menn þyrftu ekki að vera mjög lengi á þingi til þess.
