Fyrirspyrjandi (Jóna Valgerður Kristjánsdóttir)
:
Virðulegi forseti. Þegar ríkisstjórnin tók við völdum í fyrravor var eitt af stefnumálum hennar að jafna orkuverð í landinu, m.a. með jöfnun húshitunarkostnaðar. Það átti að gerast í þremur áföngum á tveimur til þremur árum. Fyrstu aðgerðir komu til framkvæmda hinn 1. júní 1991 og samkvæmt fjárlögum fyrir 1992 hefur sú upphæð sem ætluð er til niðurgreiðslu á raforku hækkað úr 297 millj. í fyrra á fjárlögum í kr. 340,8 millj. á fjárlögum í ár.
Í þessu sambandi hefur hæstv. iðnrh. einnig lýst því yfir að ætlunin sé að fá orkufyrirtækin til að taka þátt í þessu átaki til jöfnunar á orkuverði. Ekki hefur neitt komið fram um það hvernig það er fyrirhugað. Landsvirkjun hefur einokunaraðstöðu í virkjanamöguleikum hér á landi og selur raforku í heildsölu. Auk þess selur RARIK rafmagn til almenningsveitna sem að mestu leyti er keypt af Landsvirkjun. Á stjórnarfundi í Landsvirkjun hinn 12. sept. 1991 samþykkti stjórnin að viðræður færu fram við Þjóðhagsstofnun um mörkun langtímastefnu í verðlagningu rafmagns frá Landsvirkjun til almenningsrafveitna. Ég spyr því einnig: Hvað líður þeim viðræðum? Hafa þær farið fram eða hvað hefur ríkisstjórnin gert frekar í þeim málum?
Það hefur oft komið fram í umræðum um orkumál hversu óeðlilegt er að Landsvirkjun skuli í verðlagningu á orku gera ráð fyrir að fyrirtæki sé skuldlaust árið 2004 og eru þá fjárfestingar vegna Blöndu meðtaldar. Væri ekki æskilegt að Þjóðhagsstofnun skilaði greinargerð um það mál? Minna má á að orkuverðsjöfnunarnefnd sem hæstv. iðnrh. skipaði 1. okt. 1990 var einnig ætlað að undirbúa frv. um jöfnun orkuverðs. Það hefur ekki enn litið dagsins ljós. Því ber ég fram svohljóðandi fsp. til hæstv. iðnrh. á þskj. 630:
,,1. Hvenær mun hefjast annar áfangi í niðurgreiðslum á húshitunarkostnaði á svokölluðum köldum svæðum?
2. Hvernig verður staðið að því að fá orkufyrirtækin meira inn í þessa jöfnunarviðleitni,`` og ég vitna þar til ummæla iðnrh. 21. nóv. sl. á Alþingi sem finna má í þingtíðindum.
Virðulegi forseti. Þegar ríkisstjórnin tók við völdum í fyrravor var eitt af stefnumálum hennar að jafna orkuverð í landinu, m.a. með jöfnun húshitunarkostnaðar. Það átti að gerast í þremur áföngum á tveimur til þremur árum. Fyrstu aðgerðir komu til framkvæmda hinn 1. júní 1991 og samkvæmt fjárlögum fyrir 1992 hefur sú upphæð sem ætluð er til niðurgreiðslu á raforku hækkað úr 297 millj. í fyrra á fjárlögum í kr. 340,8 millj. á fjárlögum í ár.
Í þessu sambandi hefur hæstv. iðnrh. einnig lýst því yfir að ætlunin sé að fá orkufyrirtækin til að taka þátt í þessu átaki til jöfnunar á orkuverði. Ekki hefur neitt komið fram um það hvernig það er fyrirhugað. Landsvirkjun hefur einokunaraðstöðu í virkjanamöguleikum hér á landi og selur raforku í heildsölu. Auk þess selur RARIK rafmagn til almenningsveitna sem að mestu leyti er keypt af Landsvirkjun. Á stjórnarfundi í Landsvirkjun hinn 12. sept. 1991 samþykkti stjórnin að viðræður færu fram við Þjóðhagsstofnun um mörkun langtímastefnu í verðlagningu rafmagns frá Landsvirkjun til almenningsrafveitna. Ég spyr því einnig: Hvað líður þeim viðræðum? Hafa þær farið fram eða hvað hefur ríkisstjórnin gert frekar í þeim málum?
Það hefur oft komið fram í umræðum um orkumál hversu óeðlilegt er að Landsvirkjun skuli í verðlagningu á orku gera ráð fyrir að fyrirtæki sé skuldlaust árið 2004 og eru þá fjárfestingar vegna Blöndu meðtaldar. Væri ekki æskilegt að Þjóðhagsstofnun skilaði greinargerð um það mál? Minna má á að orkuverðsjöfnunarnefnd sem hæstv. iðnrh. skipaði 1. okt. 1990 var einnig ætlað að undirbúa frv. um jöfnun orkuverðs. Það hefur ekki enn litið dagsins ljós. Því ber ég fram svohljóðandi fsp. til hæstv. iðnrh. á þskj. 630:
,,1. Hvenær mun hefjast annar áfangi í niðurgreiðslum á húshitunarkostnaði á svokölluðum köldum svæðum?
2. Hvernig verður staðið að því að fá orkufyrirtækin meira inn í þessa jöfnunarviðleitni,`` og ég vitna þar til ummæla iðnrh. 21. nóv. sl. á Alþingi sem finna má í þingtíðindum.