Jón Kristjánsson
:
Herra forseti. Eins og fram hefur komið byggist þetta frv. og afgreiðsla þess á samkomulagi m.a. við aðila vinnumarkaðarins í landinu. Við fulltrúar Framsfl. í félmn. höfum tekið þá ákvörðun að standa að því samkomulagi. Hins vegar erum við mótfallin því að breyta þeirri skipan sem verið hefur á starfsmenntun í fiskvinnslunni þar sem öflug starfsemi er á vegum sjútvrn. og munum því greiða atkvæði gegn þeirri brtt. en munum sitja hjá við seinni brtt. á þskj. 755.
