Sturla Böðvarsson :
Virðulegi forseti. Ég ætla ekki að lengja umræðuna. Ég ætla aðeins að koma því á framfæri, sem segir í umsögn Sambands ísl. sveitarfélaga um frumvarpið en mjög hefur verið vitnað til þeirrar umsagnar. Þar segir, með leyfi forseta:
,,Ekki er ástæða til þess að gera athugasemdir við þá stefnumörkun sem felst í frv. en rétt þykir að koma eftirfarandi hugleiðingum eða ábendingum á framfæri um einstakar frumvarpsgreinar.``
Ég tel að þótt sambandsstjórnin hafi komið fram ábendingum sé nauðsynlegt að það komi fram við umræðuna að þeir leggjast ekki gegn frv.