Guðrún Helgadóttir (andsvar) :
Hæstv. forseti. Hv. 6. þm. Norðurl. e. talaði hér um að rekstur ýmissa lífeyrissjóða væri afar dýr og væri oft tugir prósenta ( JGS: Ekki oft.) já, að fyrir kæmi að hann væru tugir prósenta af iðgjaldatekjum. Ég vil þess vegna upplýsa að reksturinn sem Tryggingastofnun ríkisins annast á Lífeyrissjóði sjómanna er einungis 2,2% af iðgjaldatekjum og þess vegna tel ég ekki til sparnaðar að flytja sjóðinn þaðan.
