Heilbrigðisráðherra (Sighvatur Björgvinsson)
:
Virðulegi forseti. Á þskj. 20 er spurt um þrjú efnisatriði. Fyrsta spurningin er: ,,Hyggst ráðherra leggja fram á Alþingi frumvarp það um almannatryggingar sem fyrrv. heilbr.- og trmrh. lagði fram á síðasta þingi og ekki var afgreitt?`` Svarið er nei.
Spurt er: ,,Ef ekki, hyggst þá ráðherra láta fara fram heildarendurskoðun á lögum nr. 67/1971, með síðari breytingum, um almannatryggingar?`` Svarið er já.
Þriðja spurningin er: Með hvað að markmiði verður sú endurskoðun látin fara fram?
Markmiðið er endurskipulagning stjórnunar, samræming bótaflokka, einföldun kerfisins og aukin skilvirkni.
