Stefán Guðmundsson
:
Virðulegi forseti. Það er rétt sem hér kemur fram að nú er mikið um það að ný verkefni eru sett inn til Byggðastofnunar á sama tíma og núv. ríkisstjórn hefur tekið ákvörðun um að skera fjármagn til stofnunarinnar niður um 20%.
Mér heyrðist hæstv. iðnrh. segja áðan að Byggðastofnun ætti að hætta að aðstoða gjaldþrota fyrirtæki. Því spyr ég hæstv. iðnrh.: Var það röng aðgerð hjá Byggðastofnun að aðstoða við uppbyggingu á Foldu og Ístex? Var það rangt hjá Byggðastofnun að gera slíkt, hæstv. iðnrh.?
