Páll Pétursson
:
Frú forseti. Aðeins örfá orð. Ég vil láta það koma skýrt fram strax að ég er sammála ýmsu af því sem hæstv. sjútvrh. hefur verið að segja um íslenskan sjávarútveg á undanförnum vikum. Ég vil samt gera athugasemd í þessum umræðum um eitt atriði. Til þessa hafa hafrannsóknir verið kostaðar af sameiginlegum sjóði landsmanna eins og eðlilegt er. Sjávarútvegur er einstaklega mikilvægur í þjóðfélagi okkar og stendur reyndar undir þeirri þjóðfélagsbyggingu sem við eigum. Það að hætta að kosta hafrannsóknir af sameiginlegum sjóði landsmanna og færa kostnað af þeirri þjónustu yfir á sjávarútveginn er auðvitað bein skattheimta. Skattheimta á vissa tegund fyrirtækja og skattheimta af þessari einu atvinnugrein. Þetta er út af fyrir sig í stíl við annað í skattahækkunaræði núverandi ríkisstjórnar. Hér er um skatt að ræða sem er sérstaklega lagður á eina tegund fyrirtækja. Sjávarútvegurinn er nær eingöngu stundaður í framleiðslubyggðarlögum á landsbyggðinni og þess vegna er hér um nær hreinan landsbyggðarskatt að ræða. Alveg á sama hátt eins og mundi vera með veiðileyfagjaldið sem að ég er mjög andvígur og algerlega sammála hæstv. sjútvrh. að við verðum að berjast á móti. En hér er sem sagt um landsbyggðarskatt að ræða og verra en það. Síðan er sú trygging sem þessi sömu framleiðslubyggðarlög, sem er ætlað að borga þennan hafrannsóknaskatt, hafa haft í Hagræðingarsjóðnum er frá þeim tekin. Þetta er nefnilega ekki einungis skattheimta á byggðarlögin heldur er líka þrengd og veikt aðstaða þeirra.
Frú forseti. Aðeins örfá orð. Ég vil láta það koma skýrt fram strax að ég er sammála ýmsu af því sem hæstv. sjútvrh. hefur verið að segja um íslenskan sjávarútveg á undanförnum vikum. Ég vil samt gera athugasemd í þessum umræðum um eitt atriði. Til þessa hafa hafrannsóknir verið kostaðar af sameiginlegum sjóði landsmanna eins og eðlilegt er. Sjávarútvegur er einstaklega mikilvægur í þjóðfélagi okkar og stendur reyndar undir þeirri þjóðfélagsbyggingu sem við eigum. Það að hætta að kosta hafrannsóknir af sameiginlegum sjóði landsmanna og færa kostnað af þeirri þjónustu yfir á sjávarútveginn er auðvitað bein skattheimta. Skattheimta á vissa tegund fyrirtækja og skattheimta af þessari einu atvinnugrein. Þetta er út af fyrir sig í stíl við annað í skattahækkunaræði núverandi ríkisstjórnar. Hér er um skatt að ræða sem er sérstaklega lagður á eina tegund fyrirtækja. Sjávarútvegurinn er nær eingöngu stundaður í framleiðslubyggðarlögum á landsbyggðinni og þess vegna er hér um nær hreinan landsbyggðarskatt að ræða. Alveg á sama hátt eins og mundi vera með veiðileyfagjaldið sem að ég er mjög andvígur og algerlega sammála hæstv. sjútvrh. að við verðum að berjast á móti. En hér er sem sagt um landsbyggðarskatt að ræða og verra en það. Síðan er sú trygging sem þessi sömu framleiðslubyggðarlög, sem er ætlað að borga þennan hafrannsóknaskatt, hafa haft í Hagræðingarsjóðnum er frá þeim tekin. Þetta er nefnilega ekki einungis skattheimta á byggðarlögin heldur er líka þrengd og veikt aðstaða þeirra.