Jóhann Ársælsson
:
Virðulegi forseti. Það sem ég ætlaði að koma að var einmitt þetta sem þeir tveir hv. þm. sem voru að gera athugasemdir nefndu. Til viðbótar má benda á að ef rafveiturnar verða að taka á sig þá hækkun sem leiðir af styrkingu dreifiveitnanna þurfa þær að hækka sína gjaldskrá um 6%. Þá geta menn spurt sig að því líka: Er það eðlilegt að þeir sem kaupa rafmagn á dreifisvæði Rafmagnsveitna ríkisins taki allan kostnað af styrkingu dreifiveitnanna á sig en ekki, eins og hefur verið gert á undanförnum árum, að hann sé tekinn úr sameiginlegum sjóðum? Menn geta spurt sig að því hvort það verði þá ekki niðurstaðan að þetta verði fært á sjálfar sveitarafveiturnar. Ef það verður gert mun það þýða um 17% hækkun á raforkunni hjá þeim. Það er því útilokað að vinna þetta mál öðruvísi en með sameiginlegu átaki. Þess vegna er mjög áhugavert að fá að vita hvaða hugmyndir eru á ferðinni hjá hæstv. iðnrh. um þessi mál.
Virðulegi forseti. Það sem ég ætlaði að koma að var einmitt þetta sem þeir tveir hv. þm. sem voru að gera athugasemdir nefndu. Til viðbótar má benda á að ef rafveiturnar verða að taka á sig þá hækkun sem leiðir af styrkingu dreifiveitnanna þurfa þær að hækka sína gjaldskrá um 6%. Þá geta menn spurt sig að því líka: Er það eðlilegt að þeir sem kaupa rafmagn á dreifisvæði Rafmagnsveitna ríkisins taki allan kostnað af styrkingu dreifiveitnanna á sig en ekki, eins og hefur verið gert á undanförnum árum, að hann sé tekinn úr sameiginlegum sjóðum? Menn geta spurt sig að því hvort það verði þá ekki niðurstaðan að þetta verði fært á sjálfar sveitarafveiturnar. Ef það verður gert mun það þýða um 17% hækkun á raforkunni hjá þeim. Það er því útilokað að vinna þetta mál öðruvísi en með sameiginlegu átaki. Þess vegna er mjög áhugavert að fá að vita hvaða hugmyndir eru á ferðinni hjá hæstv. iðnrh. um þessi mál.