Fyrirspyrjandi (Kristín Einarsdóttir)
:
Virðulegi forseti. Ég þakka hæstv. ráðherra svör hans, en verð að lýsa vonbrigðum mínum með að framkvæmdarvaldið fari ekki að ályktunum Alþingis. Það kemur greinilega fram í þessari álytkun að endurskoða skuli þessa reglugerð. Hún verður auðvitað að eiga sér stoð í lögum. Ég veit ekki hvernig þessi reglugerðardrög litu út þegar þau voru send til umsagnar en það hlýtur að hafa verið hægt að breyta þeim á þann veg að þau brytu ekki í bága við lög. Mér þykir því slæmt að heyra að ekki skuli farið eftir því sem Alþingi ákveður, og raunar ámælisvert.
Varðandi málið sjálft þá kemur það greinilega fram í nál. atvmn. á sínum tíma að þeir sem þar skrifuðu undir telja að eðlilegt sé að í öllum hópferðum á Íslandi skuli vera leiðsögumaður með próf eða viðurkenningu frá Ferðamálaráði Íslands. Mér þykir þetta mjög eðlilegt ákvæði og vil benda á að víða erlendis, t.d. í Grikklandi, Portúgal og á Spáni og e.t.v. víðar, eru gerðar þær kröfur að í hópferðum þar í landi þurfi að vera leiðsögumenn sem hafa próf frá þarlendum leiðsöguskóla eða samsvarandi skóla eða hafa farið á einhvers konar námskeið. Yfirvöld í þessum löndum standa með leiðsögumönnum, þ.e. þau gera þessar kröfur og eru mjög hörð á því að þeim sé framfylgt. Það hefur verið mjög mikill misbrestur á því hér á landi að kröfur séu gerðar um þetta og er meira segja svo komið að ein íslensk ferðaskrifstofa upplýsti á nýafstaðinni ferðamálaráðstefnu að hún hefði sótt um að fá samþykki fyrir 60 erlendum leiðsögumönnum í þeirra ferðir næsta ár vegna þess að ef þeir fá erlenda leiðsögumenn geta þeir boðið þeim lakari kjör heldur en innlendum. Mér þykir mjög slæmt ef við erum komin út í það að flytja hluta af þessari mikilvægu atvinnugrein út úr landinu með þessum hætti.
Ég vil minna á hversu mikilvægt er að hafa innlenda leiðsögumenn, þ.e. leiðsögumenn sem þekkja landið, hafa þekkingu á náttúruverndarlögum, þekkja slysagildrur, hafa góða þekkingu á sögu landsins, jarðfræði og fleira, hvort sem þeir eru innlendir eða erlendir, en að við setjum ákveðnar kröfur í þessu sambandi.
Ég vil minna á hvað gerðist sl. sumar þegar hópur fólks réðist á Tjörneslögin og má kenna því um að þar hafi verið um vanþekkingu að ræða. Þess vegna skora ég á hæstv. samgrh. að vinna að þessu máli þannig að það verði í þeim anda sem Alþingi hefur ákveðið.
Virðulegi forseti. Ég þakka hæstv. ráðherra svör hans, en verð að lýsa vonbrigðum mínum með að framkvæmdarvaldið fari ekki að ályktunum Alþingis. Það kemur greinilega fram í þessari álytkun að endurskoða skuli þessa reglugerð. Hún verður auðvitað að eiga sér stoð í lögum. Ég veit ekki hvernig þessi reglugerðardrög litu út þegar þau voru send til umsagnar en það hlýtur að hafa verið hægt að breyta þeim á þann veg að þau brytu ekki í bága við lög. Mér þykir því slæmt að heyra að ekki skuli farið eftir því sem Alþingi ákveður, og raunar ámælisvert.
Varðandi málið sjálft þá kemur það greinilega fram í nál. atvmn. á sínum tíma að þeir sem þar skrifuðu undir telja að eðlilegt sé að í öllum hópferðum á Íslandi skuli vera leiðsögumaður með próf eða viðurkenningu frá Ferðamálaráði Íslands. Mér þykir þetta mjög eðlilegt ákvæði og vil benda á að víða erlendis, t.d. í Grikklandi, Portúgal og á Spáni og e.t.v. víðar, eru gerðar þær kröfur að í hópferðum þar í landi þurfi að vera leiðsögumenn sem hafa próf frá þarlendum leiðsöguskóla eða samsvarandi skóla eða hafa farið á einhvers konar námskeið. Yfirvöld í þessum löndum standa með leiðsögumönnum, þ.e. þau gera þessar kröfur og eru mjög hörð á því að þeim sé framfylgt. Það hefur verið mjög mikill misbrestur á því hér á landi að kröfur séu gerðar um þetta og er meira segja svo komið að ein íslensk ferðaskrifstofa upplýsti á nýafstaðinni ferðamálaráðstefnu að hún hefði sótt um að fá samþykki fyrir 60 erlendum leiðsögumönnum í þeirra ferðir næsta ár vegna þess að ef þeir fá erlenda leiðsögumenn geta þeir boðið þeim lakari kjör heldur en innlendum. Mér þykir mjög slæmt ef við erum komin út í það að flytja hluta af þessari mikilvægu atvinnugrein út úr landinu með þessum hætti.
Ég vil minna á hversu mikilvægt er að hafa innlenda leiðsögumenn, þ.e. leiðsögumenn sem þekkja landið, hafa þekkingu á náttúruverndarlögum, þekkja slysagildrur, hafa góða þekkingu á sögu landsins, jarðfræði og fleira, hvort sem þeir eru innlendir eða erlendir, en að við setjum ákveðnar kröfur í þessu sambandi.
Ég vil minna á hvað gerðist sl. sumar þegar hópur fólks réðist á Tjörneslögin og má kenna því um að þar hafi verið um vanþekkingu að ræða. Þess vegna skora ég á hæstv. samgrh. að vinna að þessu máli þannig að það verði í þeim anda sem Alþingi hefur ákveðið.