Kristín Ástgeirsdóttir
(um atkvæðagreiðslu)
:
Virðulegi forseti. Fyrir hönd stjórnarandstöðunnar vil ég lýsa því yfir að sú yfirlýsing sem hér var kynnt áðan þar sem verið er að taka stóran hluta af fjárlagadæminu út, upp á tugi milljarða, skólamál og heilbrigðismál sem skipta miklu máli, sýnir hvílík uppgjöf og ágreiningur ríkir innan stjórnarliðsins. Við teljum að sú atkvæðagreiðsla sem hér á að fara fram sé ótímabær.
