Ólafur Þ. Þórðarson
:
Herra forseti. Mér virðist verulegt ósamræmi í þeim lögum sem verið er að leggja til að samþykkja. Í annað stað er gert ráð fyrir því að allir greiði sama skatt fyrir sitt vatn en engu að síður geti verið mismunur á því hvort menn séu eigendur heimæðanna og beri á þeim ábyrgð næstu 10 árin eða ekki. Nú hlýtur það að vera svo að þeir sem eru eigendur heimæðanna og bera á þeim ábyrgð eigi að greiða minna en hinir. Allt annað er rökleysa. Það er beinlínis út í hött að halda því fram að þeir sem ekki eiga sínar heimæðar eigi að borga hlutfallslega miklu minna, eins og hér er verið að leggja til. Þess vegna tel ég að það ákvæði sem er hér í 14. gr. og hljóðar svo, með leyfi forseta:
,,Að liðnum 10 árum frá gildistöku þessara laga ber sveitarstjórn að yfirtaka framangreindar heimæðar sé þess óskað af fasteignareiganda.``
Ég tel að þetta ákvæði hljóti að verða að breytast á þann veg að skilyrðislaust skuli vera yfirtekin hver einasta heimæð þannig að komi það upp eftir þennan tíma að óhöpp verði í götunni og heimæðin fari að leka þá þurfi ekki að fara að fletta upp einhverjum plöggum um það hvort það hafi verið beðið um yfirtöku á þessu eða hinu rörinu. Menn geta rétt ímyndað sér skjalabunkann í Reykjavík ef alls staðar þyrfti að gá að því við hvert einasta hús hvort þar hefði legið fyrir beiðni og það yrði að fletta þessu --- hvað lengi? Ekki eina öld, ef lögin stæðu, heldur áfram samkvæmt orðanna hljóðan. Auðvitað hljóta menn að verða að slá endanlegan botn í svona lagatexta með því að á ákveðnu tímabili gerist það sjálfkrafa að allar heimæðarnar séu á ábyrgð vatnsveitunnar. Mér finnst að menn hafi af einhverjum ástæðum viljað halda því fram að það geti verið hlunnindi fyrir mann að eiga heimæðina eftir að það er þannig frá gengið að hann verður að greiða jafnmikið hvort sem hann á heimæðina eða ekki. Ég sé ekki að þarna sé rökrétt hugsun á bak við.
Ég vil þakka hv. 10. þm. Reykv. fyrir að fara í ræðustól og vekja athygli á því að hér er ekki allt sem sýnist. Ég hef ekkert á móti þeirri kerfisbreytingu sem verið er að leggja til, að það sé vatnsveitan sem beri ábyrgð á þessari tengingu úr götunni og inn í húsin, en ég tel alveg fráleitt að það þurfi að leggja fram ósk frá hverjum einasta fasteignareiganda sem verði svo geymd í einhverri skjalamöppu og ef þessi ósk er svo ekki til staðar í skjalamöppunni þegar bilar í götunni einhvern tímann seinna verða menn sjálfir að borga viðgerðarkostnað. Hér er ekki nógu vel að málum staðið og ég hefði talið eðlilegt að þetta mál færi til nefndarinnar, ekki til að tefja það heldur til að flýta fyrir vinnu í þinginu og þar yrði tekin afstaða til þessa atriðis í 14. gr. svo að menn hefðu þá alveg á hreinu hvort hér væri um mistök eða vilja að ræða.
Herra forseti. Mér virðist verulegt ósamræmi í þeim lögum sem verið er að leggja til að samþykkja. Í annað stað er gert ráð fyrir því að allir greiði sama skatt fyrir sitt vatn en engu að síður geti verið mismunur á því hvort menn séu eigendur heimæðanna og beri á þeim ábyrgð næstu 10 árin eða ekki. Nú hlýtur það að vera svo að þeir sem eru eigendur heimæðanna og bera á þeim ábyrgð eigi að greiða minna en hinir. Allt annað er rökleysa. Það er beinlínis út í hött að halda því fram að þeir sem ekki eiga sínar heimæðar eigi að borga hlutfallslega miklu minna, eins og hér er verið að leggja til. Þess vegna tel ég að það ákvæði sem er hér í 14. gr. og hljóðar svo, með leyfi forseta:
,,Að liðnum 10 árum frá gildistöku þessara laga ber sveitarstjórn að yfirtaka framangreindar heimæðar sé þess óskað af fasteignareiganda.``
Ég tel að þetta ákvæði hljóti að verða að breytast á þann veg að skilyrðislaust skuli vera yfirtekin hver einasta heimæð þannig að komi það upp eftir þennan tíma að óhöpp verði í götunni og heimæðin fari að leka þá þurfi ekki að fara að fletta upp einhverjum plöggum um það hvort það hafi verið beðið um yfirtöku á þessu eða hinu rörinu. Menn geta rétt ímyndað sér skjalabunkann í Reykjavík ef alls staðar þyrfti að gá að því við hvert einasta hús hvort þar hefði legið fyrir beiðni og það yrði að fletta þessu --- hvað lengi? Ekki eina öld, ef lögin stæðu, heldur áfram samkvæmt orðanna hljóðan. Auðvitað hljóta menn að verða að slá endanlegan botn í svona lagatexta með því að á ákveðnu tímabili gerist það sjálfkrafa að allar heimæðarnar séu á ábyrgð vatnsveitunnar. Mér finnst að menn hafi af einhverjum ástæðum viljað halda því fram að það geti verið hlunnindi fyrir mann að eiga heimæðina eftir að það er þannig frá gengið að hann verður að greiða jafnmikið hvort sem hann á heimæðina eða ekki. Ég sé ekki að þarna sé rökrétt hugsun á bak við.
Ég vil þakka hv. 10. þm. Reykv. fyrir að fara í ræðustól og vekja athygli á því að hér er ekki allt sem sýnist. Ég hef ekkert á móti þeirri kerfisbreytingu sem verið er að leggja til, að það sé vatnsveitan sem beri ábyrgð á þessari tengingu úr götunni og inn í húsin, en ég tel alveg fráleitt að það þurfi að leggja fram ósk frá hverjum einasta fasteignareiganda sem verði svo geymd í einhverri skjalamöppu og ef þessi ósk er svo ekki til staðar í skjalamöppunni þegar bilar í götunni einhvern tímann seinna verða menn sjálfir að borga viðgerðarkostnað. Hér er ekki nógu vel að málum staðið og ég hefði talið eðlilegt að þetta mál færi til nefndarinnar, ekki til að tefja það heldur til að flýta fyrir vinnu í þinginu og þar yrði tekin afstaða til þessa atriðis í 14. gr. svo að menn hefðu þá alveg á hreinu hvort hér væri um mistök eða vilja að ræða.