Halldór Ásgrímsson
(andsvar)
:
Herra forseti. Ég get ekki orða bundist. Hvernig í ósköpunum stendur á því að fulltrúar stjórnarliðsins festa sig algerlega í þennan verðmætastuðul og hlusta ekki á nein rök í því sambandi? Og koma með þau rök að þetta sé vegna þess að það séu lagaákvæði um ákveðna stuðla í lögum um stjórn fiskveiða. Og vilja svo koma því á þann sem hér stendur að þessi lög hafi verið sett í hans tíð. Hvernig stendur á að menn eru ekki tilbúnir að hlusta einu sinni á markaðinn? Eru það ekki slík lögmál sem gilda? Og hver er tilbúinn að skipta á þessu? Heyrði þingmaðurinn forustumann einn frá LÍÚ lýsa markaðnum í þessu sambandi í gærkvöldi? Geta menn ekki tekið rökum í þessu sambandi?
Svo kemur hv. þm. og fer að tala um karfann. Það eru þrjár tegundir sem er verið að tala um í sambandi við karfa, þ.e. litli karfi, gullkarfi og djúpkarfi. Hverjar eru tillögurnar að því er varðar 1992 og 1993? Það eru tillögur um að hámarksafli verði 90.000 tonn af þessum tegundum. Fiskveiðinefnd Alþjóðahafrannsóknaráðsins hefur lagt til að í varúðarskyni verði hámarksafli af gullkarfa og djúpkarfa 120 þús. tonn á öllu veiðisvæðinu við Austur-Grænland, Ísland og Færeyjar. Ég veit ekki hvenær rannsóknir sýndu að það væri nóg af annarri tegundinni. Það kemur að minnsta kosti ekki fram í skýrslu Hafrannsóknastofnunar. Hann er þá að blanda saman við úthafskarfann sem er allt annað mál. Ef eitthvað er höfum við gengið heldur nærri þessum stofnum á undanförnum árum og okkur ber að fara þar varlega vegna þess að þessi fiskur verður svo gamall. Ef við lítum á samsetningu þessa stofns, þá er ekkert sem mælir með stóraukinni sókn. Ég bið hv. þm. að lesa skýrslur Hafrannsóknastofnunar áður en hann fer að fara með svona fullyrðingar og byrja á slíkum flóttaútreikningum eins og hann var byrjaður á hér áðan.
Herra forseti. Ég get ekki orða bundist. Hvernig í ósköpunum stendur á því að fulltrúar stjórnarliðsins festa sig algerlega í þennan verðmætastuðul og hlusta ekki á nein rök í því sambandi? Og koma með þau rök að þetta sé vegna þess að það séu lagaákvæði um ákveðna stuðla í lögum um stjórn fiskveiða. Og vilja svo koma því á þann sem hér stendur að þessi lög hafi verið sett í hans tíð. Hvernig stendur á að menn eru ekki tilbúnir að hlusta einu sinni á markaðinn? Eru það ekki slík lögmál sem gilda? Og hver er tilbúinn að skipta á þessu? Heyrði þingmaðurinn forustumann einn frá LÍÚ lýsa markaðnum í þessu sambandi í gærkvöldi? Geta menn ekki tekið rökum í þessu sambandi?
Svo kemur hv. þm. og fer að tala um karfann. Það eru þrjár tegundir sem er verið að tala um í sambandi við karfa, þ.e. litli karfi, gullkarfi og djúpkarfi. Hverjar eru tillögurnar að því er varðar 1992 og 1993? Það eru tillögur um að hámarksafli verði 90.000 tonn af þessum tegundum. Fiskveiðinefnd Alþjóðahafrannsóknaráðsins hefur lagt til að í varúðarskyni verði hámarksafli af gullkarfa og djúpkarfa 120 þús. tonn á öllu veiðisvæðinu við Austur-Grænland, Ísland og Færeyjar. Ég veit ekki hvenær rannsóknir sýndu að það væri nóg af annarri tegundinni. Það kemur að minnsta kosti ekki fram í skýrslu Hafrannsóknastofnunar. Hann er þá að blanda saman við úthafskarfann sem er allt annað mál. Ef eitthvað er höfum við gengið heldur nærri þessum stofnum á undanförnum árum og okkur ber að fara þar varlega vegna þess að þessi fiskur verður svo gamall. Ef við lítum á samsetningu þessa stofns, þá er ekkert sem mælir með stóraukinni sókn. Ég bið hv. þm. að lesa skýrslur Hafrannsóknastofnunar áður en hann fer að fara með svona fullyrðingar og byrja á slíkum flóttaútreikningum eins og hann var byrjaður á hér áðan.