Sjávarútvegsráðherra (Þorsteinn Pálsson)
(andsvar)
:
Frú forseti. Það er sjálfsagt af minni hálfu að friðmælast við menn þegar kveður við nýjan tón og það gerðist sannarlega í ræðu hv. 7. þm. Reykn. og ég fagna því. Þó að ég sé ekki sammála hans mati um mat á gildi veiðiheimildanna eru menn þó farnir að ræða með málefnalegum hætti um þennan ágreining en ekki með aðdróttunum um að einhverjir séu að gefa eftir í þeim mikla sigri sem þjóðin vann sameinuð við útfærslu landhelginnar.
Ég ætla svo ekki að eyða fleiri orðum að hv. 4. þm. Norðurl. e. Hann sagði í ræðunni að jafngildi veiðiheimilda í verðmætum væri léttvægasti hluti málsins og er þar enn að halda sig við annað heygarðshorn í sinni röksemdafærslu gegn þessum samningi en talsmenn Framsfl. hafa gert í þessari umræðu og hann getur ekki hlaupið frá þeim orðum.
Frú forseti. Það er sjálfsagt af minni hálfu að friðmælast við menn þegar kveður við nýjan tón og það gerðist sannarlega í ræðu hv. 7. þm. Reykn. og ég fagna því. Þó að ég sé ekki sammála hans mati um mat á gildi veiðiheimildanna eru menn þó farnir að ræða með málefnalegum hætti um þennan ágreining en ekki með aðdróttunum um að einhverjir séu að gefa eftir í þeim mikla sigri sem þjóðin vann sameinuð við útfærslu landhelginnar.
Ég ætla svo ekki að eyða fleiri orðum að hv. 4. þm. Norðurl. e. Hann sagði í ræðunni að jafngildi veiðiheimilda í verðmætum væri léttvægasti hluti málsins og er þar enn að halda sig við annað heygarðshorn í sinni röksemdafærslu gegn þessum samningi en talsmenn Framsfl. hafa gert í þessari umræðu og hann getur ekki hlaupið frá þeim orðum.