Ragnar Arnalds
:
Virðulegi forseti. Séð út frá hagsmunum Íslendinga er Evrópska efnahagssvæðið tilraun sem mistókst. Ágallar þessa samnings eru stærri og þyngri á metunum en kostirnir. Með lögfestingu mikils hluta laga Evrópubandalagsins er þessi samningur afdrifaríkt skref í átt til fullrar aðildar að Evrópubandalaginu. Ég tek ekki þátt í því að íslenska lýðveldið stigi slíkt skref. Ég segi nei.
