Kristinn H. Gunnarsson
:
Virðulegi forseti. Aðild að Evrópsku efnahagssvæði er ekki annað en biðsalur aðildar að Evrópubandalaginu, enda byggð á þeirri grein Rómarsáttmálans sem kveður á um aukaaðild að EB. Á þessu tvennu er aðeins stigsmunur en ekki eðlismunur eins og hæstv. sjútvrh. Þorsteinn Pálsson hefur bent á.
Dómur núv. formanns utanmrn. um EES-samningsgerðina er sá að vera skipulegasta átakið sem gert hefur verið til að opna Íslandi leið inn í Evrópubandalagið. Hér þarf ekki frekar vitnanna við um hvert leiðinni er heitið. Báðir stjórnarflokkarnir hafa á flokksþingum sínum gert samþykktir þar sem aðild að EB er ekki útilokuð.
Varfærnislegt mat Þjóðhagsstofnunar er að verg landsframleiðsla muni aukast um 0,6% eftir átta ár. Það jafngildir aukningu einkaneyslu um 24 þús. kr. á ári á hverja fjögurra manna fjölskyldu sem er um 1 / 5 hluti þeirrar kjaraskerðingar sem ákveðin var af Alþingi fyrir síðustu jól. Á móti þessum ávinningi koma milljarða króna útgjöld sveitarfélaga, fækkun starfa og þar með aukið atvinnuleysi og stórfelld hætta á hruni margra byggðarlaga á landsbyggðinni, samanber skýrslu Byggðastofnunar um það efni.
Þingmenn eiga að taka afstöðu til EES-samningsins á grundvelli staðreynda en ekki ítrekaðra einnota fullyrðinga utanrrh. sem dansað hefur á stultum í kringum sannleikann. Staðreyndin er sú að ávinningurinn er hverfandi miðað við þær skyldur sem við tökum á okkur með samningnum og réttlætir í engu það að opna fiskveiðilögsögu Íslendinga fyrir togaraflota EB, réttlætir í engu það valdaframsal sem felst í samningnum, auk þess sem samningurinn samrýmist ekki stjórnarskránni.
Af öllu þessu samanlögðu er það niðurstaða mín, virðulegi forseti, að ég segi nei.
Virðulegi forseti. Aðild að Evrópsku efnahagssvæði er ekki annað en biðsalur aðildar að Evrópubandalaginu, enda byggð á þeirri grein Rómarsáttmálans sem kveður á um aukaaðild að EB. Á þessu tvennu er aðeins stigsmunur en ekki eðlismunur eins og hæstv. sjútvrh. Þorsteinn Pálsson hefur bent á.
Dómur núv. formanns utanmrn. um EES-samningsgerðina er sá að vera skipulegasta átakið sem gert hefur verið til að opna Íslandi leið inn í Evrópubandalagið. Hér þarf ekki frekar vitnanna við um hvert leiðinni er heitið. Báðir stjórnarflokkarnir hafa á flokksþingum sínum gert samþykktir þar sem aðild að EB er ekki útilokuð.
Varfærnislegt mat Þjóðhagsstofnunar er að verg landsframleiðsla muni aukast um 0,6% eftir átta ár. Það jafngildir aukningu einkaneyslu um 24 þús. kr. á ári á hverja fjögurra manna fjölskyldu sem er um 1 / 5 hluti þeirrar kjaraskerðingar sem ákveðin var af Alþingi fyrir síðustu jól. Á móti þessum ávinningi koma milljarða króna útgjöld sveitarfélaga, fækkun starfa og þar með aukið atvinnuleysi og stórfelld hætta á hruni margra byggðarlaga á landsbyggðinni, samanber skýrslu Byggðastofnunar um það efni.
Þingmenn eiga að taka afstöðu til EES-samningsins á grundvelli staðreynda en ekki ítrekaðra einnota fullyrðinga utanrrh. sem dansað hefur á stultum í kringum sannleikann. Staðreyndin er sú að ávinningurinn er hverfandi miðað við þær skyldur sem við tökum á okkur með samningnum og réttlætir í engu það að opna fiskveiðilögsögu Íslendinga fyrir togaraflota EB, réttlætir í engu það valdaframsal sem felst í samningnum, auk þess sem samningurinn samrýmist ekki stjórnarskránni.
Af öllu þessu samanlögðu er það niðurstaða mín, virðulegi forseti, að ég segi nei.