Jóhann Ársælsson
(andsvar)
:
Virðulegur forseti. Mig langar til að spyrja hæstv. utanrrh. hvort hann hafi hlustað á ræður hæstv. sjútvrh. í þessu máli sem hefur borið það við af mikilli eljusemi að rökstyðja það fyrir þingheimi ásamt fleirum reyndar að sá samningur sem hér er verið að ræða sé í jafnvægi og að veiðheimildirnar sem verið sé að skipta á séu jafngildar. Hæstv. utanrrh. kemur hér og segir beinum og berum orðum að hér hafi menn verið að kosta til til að fá heildarjafnvægi í samningana um EES. Mig langar til að spyrja hann í beinu framhaldi af því: Telur hann að orðin ,,ásættanlegt jafnvægi`` í þeim samningi sem hér er verið að ræða þýði að EB muni í framtíðinni krefjast þess að fá sams konar jafnvægi eftir sínu mati á samningunum og er í þessum samningi, þ.e. að veiðiheimildir verði með mjög ólíku formi? Og þegar það er líka skoðað að EB neitaði þegar á átti að herða að taka langhalann gildan í skiptum fyrir loðnuna og taldi þá að þessu ásættanlega jafnvægi sem talað er um í samningnum væri raskað, er það þá þannig að við megum eiga von á því í næsta samningi að EB muni benda á það að þetta ásættanlega jafnvægi sé ekki endilega ásættanlegt jafnvægi um jafngildi veiðiheimilda heldur með tillit til einhverra annarra samninga?
Virðulegur forseti. Mig langar til að spyrja hæstv. utanrrh. hvort hann hafi hlustað á ræður hæstv. sjútvrh. í þessu máli sem hefur borið það við af mikilli eljusemi að rökstyðja það fyrir þingheimi ásamt fleirum reyndar að sá samningur sem hér er verið að ræða sé í jafnvægi og að veiðheimildirnar sem verið sé að skipta á séu jafngildar. Hæstv. utanrrh. kemur hér og segir beinum og berum orðum að hér hafi menn verið að kosta til til að fá heildarjafnvægi í samningana um EES. Mig langar til að spyrja hann í beinu framhaldi af því: Telur hann að orðin ,,ásættanlegt jafnvægi`` í þeim samningi sem hér er verið að ræða þýði að EB muni í framtíðinni krefjast þess að fá sams konar jafnvægi eftir sínu mati á samningunum og er í þessum samningi, þ.e. að veiðiheimildir verði með mjög ólíku formi? Og þegar það er líka skoðað að EB neitaði þegar á átti að herða að taka langhalann gildan í skiptum fyrir loðnuna og taldi þá að þessu ásættanlega jafnvægi sem talað er um í samningnum væri raskað, er það þá þannig að við megum eiga von á því í næsta samningi að EB muni benda á það að þetta ásættanlega jafnvægi sé ekki endilega ásættanlegt jafnvægi um jafngildi veiðiheimilda heldur með tillit til einhverra annarra samninga?