Jón Helgason
(andsvar)
:
Hæstv. forseti. Ég skil ekki alveg hvað hæstv. landbrh. á við með að þetta mál sé eitthvað í fastari skorðum með því að setja það í lög. Jú, hér er komin lagaheimild um að það megi innheimta skólagjöld. Það eru engin takmörk á hvað þau mega vera há, ekki eftir lagagreininni. En hins vegar koma fram í fylgiskjali frá fjmrn. þessar tölur sem ég nefndi áðan um heildarupphæð þeirra og þannig er settur rammi með fjárlögunum um hvað þetta á að vera há upphæð. Ég býst við skólanefndir og skólastjórar verði þá knúin til að fara eftir því sem áveðið er í fjárlögum til að ná þessari upphæð og sama verður þá ráðherra að gera. Þannig að það eru engar skorður settar fyrir því hversu stór hluti af námskostnaði þetta má verða.
Hæstv. forseti. Ég skil ekki alveg hvað hæstv. landbrh. á við með að þetta mál sé eitthvað í fastari skorðum með því að setja það í lög. Jú, hér er komin lagaheimild um að það megi innheimta skólagjöld. Það eru engin takmörk á hvað þau mega vera há, ekki eftir lagagreininni. En hins vegar koma fram í fylgiskjali frá fjmrn. þessar tölur sem ég nefndi áðan um heildarupphæð þeirra og þannig er settur rammi með fjárlögunum um hvað þetta á að vera há upphæð. Ég býst við skólanefndir og skólastjórar verði þá knúin til að fara eftir því sem áveðið er í fjárlögum til að ná þessari upphæð og sama verður þá ráðherra að gera. Þannig að það eru engar skorður settar fyrir því hversu stór hluti af námskostnaði þetta má verða.