Umhverfisráðherra (Eiður Guðnason)
:
Virðulegi forseti. Aðeins örfá orð. Hv. þm. Guðrún Helgadóttir hefur greinilega ekki verið viðstödd nema einhvern lítinn hluta þessarar umræðu ( GHelg: Nei, ég sagði það.) vegna þess að margt af því sem hún spyr um hefur þegar komið fram og er að finna í ræðum þeirra sem hér hafa talað. Engu að síður skal ég nefna nokkur þau atriði sem hún nefndi.
Hún kvaðst ósammála frv. en sagði reyndar í lok sinnar ræðu að það væri betra en ekki. Ég vek athygli á því að flestir hv. þm. sem hafa tjáð sig um málið hafa gert það með fremur jákvæðum hætti þó að þeir hafi gert athugasemdir við einstök atriði. Hún spurði sérstaklega um 7. gr. þar sem eru talin upp verkefni Skipulagsstofnunar ríkisins. Þar segir í c-lið með leyfi forseta: ,,Að hafa eftirlit með störfum samstarfsnefnda um svæðisskipulag.`` Það er gert ráð fyrir því að slíkar samstarfsnefndir um svæðisskipulag sem taka til margra sveitarfélaga séu skipaðar að höfðu samráði við Skipulagsstofnun og það er auðvitað rétt að það er ekki fjallað um það í smáatriðum í hverju þetta eftirlit muni fólgið. Aðallega hygg ég að það muni þó verða í þá veru að fylgjast með því að tímamörk séu haldin og þessi vinna sé unnin. Það er a.m.k. þáttur sem skiptir hér mjög verulegu máli.
Í öðru lagi nefndi hún 36. gr. og talaði um að mikið vald væri falið þeim sem semdu byggingarreglugerð. Það má sjálfsagt rétt vera en það er engin breyting frá því sem nú er því að í byggingarreglugerð er að finna afar mörg og mikilvæg ákvæði. Það má hins vegar lengi um það deila hver af þeim ákvæðum væru betur komin í lögum og hver séu með rétti höfð í reglugerð. Um það geta menn haft mjög margar og ólíkar skoðanir og stutt rökum en einhvers staðar verður að höggva á og ákveða hvar skuli hvað vera. En það geta verið deilumál.
Að lokum varðandi Landmælingar Íslands og kortagerð sem er hér í 27. gr. Ég ræddi það sérstaklega í fyrri ræðu minni að þar er á döfinni samstarfsverkefni allra þeirra aðila, opinberra aðila, sem fást við kortagerð og nota kort við sitt starf. Þar er verið að vinna ákveðið tilraunaverkefni. Það hefur tekist samstarf allra þessara aðila um að það verði beitt tækni svokallaðrar stafrænnar kortagerðar þannig að þetta sé tölvuunnið og tölvutækt. Þetta verður gert á nokkrum tíma og kostar mikið fé eins og hv. þm. nefndi en þetta samvinnuverkefni er í gangi. Það gengur hægar en skyldi, ég viðurkenni það vegna þess að til þess hafa ekki fengist þeir fjármunir sem þarf. Ég minni á þáltill. sem samþykkt var hér á þinginu fyrir nokkrum árum en ekki hafa fengist fjárveitingar til í samræmi við þarfir, en ég ítreka það sem ég sagði áðan að hér er um verkefni að ræða sem leiða mun til mjög mikils sparnaðar. Hv. þm. nefndi kort sem Bandaríkjaher mun hafa gert hér af landinu. Ég viðurkenni að ég er ekki gerkunnugur því máli en hins vegar hygg ég að sú tækni sem verið er að nota og nýta í þessu samstarfsverkefni sé nýrri og fullkomnari heldur en sú sem Bandaríkjamenn beittu við sína kortagerð og skal ekkert loku fyrir það skotið þó að eitthvert gagn megi hafa af því verki því að það hefur verið þar ákveðin samvinna á milli og er auðvitað sjálfsagt að það verði athugað. En ég ítreka það að þetta samstarfsverkefni er í gangi og Skipulag ríkisins er aðili að því og tekur fullan þátt í því. Ég man ekki hve margir vinnuhópar eru að störfum. Þeir skipta tugum að ég held sem eru að fjalla þarna um ýmis verkefni í tengslum við þessa kortagerð sem er mikilvægt hagsmunamál fyrir alla aðila í landinu sem þurfa að nota kort við sína vinnu. Það á nú að vera liðin sú tíð að það séu 7
Virðulegi forseti. Aðeins örfá orð. Hv. þm. Guðrún Helgadóttir hefur greinilega ekki verið viðstödd nema einhvern lítinn hluta þessarar umræðu ( GHelg: Nei, ég sagði það.) vegna þess að margt af því sem hún spyr um hefur þegar komið fram og er að finna í ræðum þeirra sem hér hafa talað. Engu að síður skal ég nefna nokkur þau atriði sem hún nefndi.
Hún kvaðst ósammála frv. en sagði reyndar í lok sinnar ræðu að það væri betra en ekki. Ég vek athygli á því að flestir hv. þm. sem hafa tjáð sig um málið hafa gert það með fremur jákvæðum hætti þó að þeir hafi gert athugasemdir við einstök atriði. Hún spurði sérstaklega um 7. gr. þar sem eru talin upp verkefni Skipulagsstofnunar ríkisins. Þar segir í c-lið með leyfi forseta: ,,Að hafa eftirlit með störfum samstarfsnefnda um svæðisskipulag.`` Það er gert ráð fyrir því að slíkar samstarfsnefndir um svæðisskipulag sem taka til margra sveitarfélaga séu skipaðar að höfðu samráði við Skipulagsstofnun og það er auðvitað rétt að það er ekki fjallað um það í smáatriðum í hverju þetta eftirlit muni fólgið. Aðallega hygg ég að það muni þó verða í þá veru að fylgjast með því að tímamörk séu haldin og þessi vinna sé unnin. Það er a.m.k. þáttur sem skiptir hér mjög verulegu máli.
Í öðru lagi nefndi hún 36. gr. og talaði um að mikið vald væri falið þeim sem semdu byggingarreglugerð. Það má sjálfsagt rétt vera en það er engin breyting frá því sem nú er því að í byggingarreglugerð er að finna afar mörg og mikilvæg ákvæði. Það má hins vegar lengi um það deila hver af þeim ákvæðum væru betur komin í lögum og hver séu með rétti höfð í reglugerð. Um það geta menn haft mjög margar og ólíkar skoðanir og stutt rökum en einhvers staðar verður að höggva á og ákveða hvar skuli hvað vera. En það geta verið deilumál.
Að lokum varðandi Landmælingar Íslands og kortagerð sem er hér í 27. gr. Ég ræddi það sérstaklega í fyrri ræðu minni að þar er á döfinni samstarfsverkefni allra þeirra aðila, opinberra aðila, sem fást við kortagerð og nota kort við sitt starf. Þar er verið að vinna ákveðið tilraunaverkefni. Það hefur tekist samstarf allra þessara aðila um að það verði beitt tækni svokallaðrar stafrænnar kortagerðar þannig að þetta sé tölvuunnið og tölvutækt. Þetta verður gert á nokkrum tíma og kostar mikið fé eins og hv. þm. nefndi en þetta samvinnuverkefni er í gangi. Það gengur hægar en skyldi, ég viðurkenni það vegna þess að til þess hafa ekki fengist þeir fjármunir sem þarf. Ég minni á þáltill. sem samþykkt var hér á þinginu fyrir nokkrum árum en ekki hafa fengist fjárveitingar til í samræmi við þarfir, en ég ítreka það sem ég sagði áðan að hér er um verkefni að ræða sem leiða mun til mjög mikils sparnaðar. Hv. þm. nefndi kort sem Bandaríkjaher mun hafa gert hér af landinu. Ég viðurkenni að ég er ekki gerkunnugur því máli en hins vegar hygg ég að sú tækni sem verið er að nota og nýta í þessu samstarfsverkefni sé nýrri og fullkomnari heldur en sú sem Bandaríkjamenn beittu við sína kortagerð og skal ekkert loku fyrir það skotið þó að eitthvert gagn megi hafa af því verki því að það hefur verið þar ákveðin samvinna á milli og er auðvitað sjálfsagt að það verði athugað. En ég ítreka það að þetta samstarfsverkefni er í gangi og Skipulag ríkisins er aðili að því og tekur fullan þátt í því. Ég man ekki hve margir vinnuhópar eru að störfum. Þeir skipta tugum að ég held sem eru að fjalla þarna um ýmis verkefni í tengslum við þessa kortagerð sem er mikilvægt hagsmunamál fyrir alla aðila í landinu sem þurfa að nota kort við sína vinnu. Það á nú að vera liðin sú tíð að það séu 7
eða 8 mælingaflokkar á sama svæðinu í rauninni að vinna það sama eins og því miður voru dæmi um. Ég vonast til þess að þetta sé að komast í bærilegt lag en við þyrftum að hafa eins og svo víða annars staðar meiri fjármuni til ráðstöfunar þannig að þetta gæti gengið hraðar fyrir sig og tek undir það sem hv. þm. sagði að um margt eru Landmælingar Íslands fyrirmyndarstofnun.