Forseti (Salome Þorkelsdóttir)
:
Borist hefur eftirfarandi bréf, dags. 29. mars 1993:
,,Þar sem ég vegna sérstakra anna get ekki sótt þingfundi á næstunni leyfi ég mér með vísun til 2. mgr. 53. gr. laga um þingsköp Alþingis að óska þess að 1. varaþm. Alþb. í Vestfjarðakjördæmi, Lilja Rafney Magnúsdóttir, varaforseti Alþýðusambands Vestfjarða, Suðureyri, taki sæti á Alþingi í fjarveru minni.
Þetta er yður hér með tilkynnt, virðulegi forseti.
Kjörbréf Lilju Rafneyjar Magnúsdóttur hefur verið rannsakað. Hún hefur ekki áður tekið sæti á Alþingi og mun nú vinna drengskaparheit að stjórnarskránni.
