Jóhann Ársælsson
(andsvar)
:
Virðulegur forseti. Ég var ekki að tala um lífeyrissjóðinn, ég var að tala um starfið. Ef þeim verður sagt upp hjá þessu nýja fyrirtæki standa þeir ekki í sömu sporum gagnvart sínum atvinnuveitanda og þeir gera gagnvart honum í dag. Það á auðvitað að horfa í kjör manna og aðstöðu þó að þeir séu fáir. Ekki er um marga að ræða í þessu tilviki en þeir eru samt til.
