Forsætisráðherra (Davíð Oddsson)
:
Hæstv. forseti. Í greinargerð sem lögð var fyrir ríkisstjórn í mars frá Útflutningsráði Íslands, Sjávarútvegsstofnun háskólans, Rannsóknastofnun fiskiðnaðarins, Félagi ísl. iðnrekenda, Landssambandi ísl. útvegsmanna og Samtökum atvinnurekenda í sjávarútvegi um þekkingarútflutning og alþjóðlegt námskeiðahald um þetta mál er lagt til að kannað verði með hvaða hætti breyta megi reynslu Íslendinga á sviði sjávarútvegs í söluhæfa þekkingu og þá sérstaklega með því að bjóða námskeið á alþjóðlegum vettvangi. Í greinargerðinni er lagt til að fram fari forathugun og eftirspurn eftir menntun, fræðslu og ráðstefnuhaldi á sviði sjávarútvegs erlendis, framboði á námskeiðum og aðstöðu hér á landi verði kannað og mat lagt á sérstöðu Íslendinga og styrk í alþjóðlegu samhengi auk þess sem leitað verði upplýsinga um hvaða ráðstafanir séu nauðsynlegar í tengslum við eflingu á þekkingarútflutningi. Menntmrh. hefur í undirbúningi að skipa starfshóp sem fjallar um skipulag og eflingu skólastarfs í sjávarútvegi.
Starfshópnum verður falið að gera úttekt á því hvernig nám í sjávarútvegsfræðum hefur þróast á undanförnum árum og kanna hvernig við Íslendingar stöndum miðað við aðrar þjóðir sem eru framarlega á sviði veiðitækni, fiskvinnslu, matvælatækni, stjórnunar- og markaðssetningar. Starfshópnum verði jafnframt falið að gera tillögur um hvernig gera megi námið skilvirkara, m.a. með samræmingu á starfsemi hinna ýmsu skóla sem veita fræðslu í sjávarútvegsmálum eða með sameiningu þeirra.
Bent skal á að á vegum Sammennta, sem er samstarfsnefnd atvinnulífsins og skóla um menntun og þjálfun í tengslum við evrópsku starfsáætlunina, COMETT, hefur m.a. verið unnið að greinargerð fyrir menntun og þjálfun í sjávarútvegi. Auk þess er nú unnið á vegum Sammennta að þriggja ára verkefni um gæðastjórnun fyrir starfsfólk og stjórnendur í fiskvinnslu í Evrópu. Sjútvrn. styrkir þetta verkefni, enda lítur það svo á að með því fáist mikilvæg reynsla af því hvernig standa ber að fræðslustarfi af þessu tagi á alþjóðlegum vettvangi. Af þessu má sjá að nú þegar er unnið að útflutningi á þekkingu á sjávarútvegssviðinu. Hin síðari ár hefur fræðsla á sjávarútvegssviði ekki verið í fullu samræmi við þarfir atvinnugreinarinnar fyrir menntað vinnuafl og er brýnt að skipuleggja fræðslumálin þannig að þau nýtist fyrst og fremst íslenskum fyrirtækjum sem eiga í síharðnandi samkeppni á erlendum mörkuðum.
Í framhaldi af starfi starfshóps menntmrh. um eflingu skólahalds í sjávarútvegi er hins vegar eðlilegt að mínu mati að huga að víðtækari þekkingarútflutningi og jafnvel stofnun sérstaks alþjóðlegs sjávarútvegsskóla á Íslandi en ljóst er að stofun slíks skóla þarf auðvitað mikinn undirbúning. Ég tek mjög undir þau sjónarmið hv. fyrirspyrjanda að þetta er mjög áhugavert mál og brýnt og ég tel að við eigum að fylgja því fast eftir að sú vinna sem þegar hefur verið hafin og beinist í þennan farveg endi með því að hægt verði að stofna alþjóðlegan sjávarútvegsskóla á Íslandi.
Hæstv. forseti. Í greinargerð sem lögð var fyrir ríkisstjórn í mars frá Útflutningsráði Íslands, Sjávarútvegsstofnun háskólans, Rannsóknastofnun fiskiðnaðarins, Félagi ísl. iðnrekenda, Landssambandi ísl. útvegsmanna og Samtökum atvinnurekenda í sjávarútvegi um þekkingarútflutning og alþjóðlegt námskeiðahald um þetta mál er lagt til að kannað verði með hvaða hætti breyta megi reynslu Íslendinga á sviði sjávarútvegs í söluhæfa þekkingu og þá sérstaklega með því að bjóða námskeið á alþjóðlegum vettvangi. Í greinargerðinni er lagt til að fram fari forathugun og eftirspurn eftir menntun, fræðslu og ráðstefnuhaldi á sviði sjávarútvegs erlendis, framboði á námskeiðum og aðstöðu hér á landi verði kannað og mat lagt á sérstöðu Íslendinga og styrk í alþjóðlegu samhengi auk þess sem leitað verði upplýsinga um hvaða ráðstafanir séu nauðsynlegar í tengslum við eflingu á þekkingarútflutningi. Menntmrh. hefur í undirbúningi að skipa starfshóp sem fjallar um skipulag og eflingu skólastarfs í sjávarútvegi.
Starfshópnum verður falið að gera úttekt á því hvernig nám í sjávarútvegsfræðum hefur þróast á undanförnum árum og kanna hvernig við Íslendingar stöndum miðað við aðrar þjóðir sem eru framarlega á sviði veiðitækni, fiskvinnslu, matvælatækni, stjórnunar- og markaðssetningar. Starfshópnum verði jafnframt falið að gera tillögur um hvernig gera megi námið skilvirkara, m.a. með samræmingu á starfsemi hinna ýmsu skóla sem veita fræðslu í sjávarútvegsmálum eða með sameiningu þeirra.
Bent skal á að á vegum Sammennta, sem er samstarfsnefnd atvinnulífsins og skóla um menntun og þjálfun í tengslum við evrópsku starfsáætlunina, COMETT, hefur m.a. verið unnið að greinargerð fyrir menntun og þjálfun í sjávarútvegi. Auk þess er nú unnið á vegum Sammennta að þriggja ára verkefni um gæðastjórnun fyrir starfsfólk og stjórnendur í fiskvinnslu í Evrópu. Sjútvrn. styrkir þetta verkefni, enda lítur það svo á að með því fáist mikilvæg reynsla af því hvernig standa ber að fræðslustarfi af þessu tagi á alþjóðlegum vettvangi. Af þessu má sjá að nú þegar er unnið að útflutningi á þekkingu á sjávarútvegssviðinu. Hin síðari ár hefur fræðsla á sjávarútvegssviði ekki verið í fullu samræmi við þarfir atvinnugreinarinnar fyrir menntað vinnuafl og er brýnt að skipuleggja fræðslumálin þannig að þau nýtist fyrst og fremst íslenskum fyrirtækjum sem eiga í síharðnandi samkeppni á erlendum mörkuðum.
Í framhaldi af starfi starfshóps menntmrh. um eflingu skólahalds í sjávarútvegi er hins vegar eðlilegt að mínu mati að huga að víðtækari þekkingarútflutningi og jafnvel stofnun sérstaks alþjóðlegs sjávarútvegsskóla á Íslandi en ljóst er að stofun slíks skóla þarf auðvitað mikinn undirbúning. Ég tek mjög undir þau sjónarmið hv. fyrirspyrjanda að þetta er mjög áhugavert mál og brýnt og ég tel að við eigum að fylgja því fast eftir að sú vinna sem þegar hefur verið hafin og beinist í þennan farveg endi með því að hægt verði að stofna alþjóðlegan sjávarútvegsskóla á Íslandi.