Fyrirspyrjandi (Kristín Ástgeirsdóttir)
:
Virðulegi forseti. Við höldum áfram umræðum um gamla Stýrimannaskólann og á þskj. 859 beini ég eftirfarandi spurningum til hæstv. menntmrh.:
,,1. Hvaða áform eru uppi um framtíðarnýtingu húss gamla Stýrimannaskólans við Öldugötu í Reykjavík?
2. Hvernig er háttað viðhaldi og eftirliti með húsi gamla Stýrimannaskólans í Reykjavík?``
Þessar spurningar skýra sig sjálfar. Hér er um það að ræða hvaða hugmyndir nú eru uppi í menntmrn. um nýtingu á húsinu og hvaða möguleikar koma þar til greina, eins og ég nefndi áðan hvort t.d. er inni í myndinni að Reykjavíkurborg fái þetta hús eða íbúasamtök Vesturbæjar. Það yrði líklegast að gerast í gegnum borgina eða eru aðrar hugmyndir uppi um nýtingu hússins? Það kom fram fyrr á fundinum að skólastjóri Stýrimannaskólans í Reykjavík, Guðjón Ármann Eyjólfsson, hefur ákveðnar hugmyndir og er ákaflega jákvæður í garð þessa húss og hefur stungið upp á því að þar verði komið á fót einhvers konar minjasafni en ég er frekar á því að það eigi að nýta þetta hús í þágu hverfisins eins og reyndar hefur verið gert eða var gert á meðan þar var skóli og ekki síst í ljósi þess að það er ekki margra kosta völ varðandi félagsaðstöðu í gamla Vesturbænum og því er húsið auðvitað tilvalið til nýtingar sem kemur öllum íbúum hverfisins til góða. En ég bíð spennt eftir svörum hæstv. menntmrh.
Virðulegi forseti. Við höldum áfram umræðum um gamla Stýrimannaskólann og á þskj. 859 beini ég eftirfarandi spurningum til hæstv. menntmrh.:
,,1. Hvaða áform eru uppi um framtíðarnýtingu húss gamla Stýrimannaskólans við Öldugötu í Reykjavík?
2. Hvernig er háttað viðhaldi og eftirliti með húsi gamla Stýrimannaskólans í Reykjavík?``
Þessar spurningar skýra sig sjálfar. Hér er um það að ræða hvaða hugmyndir nú eru uppi í menntmrn. um nýtingu á húsinu og hvaða möguleikar koma þar til greina, eins og ég nefndi áðan hvort t.d. er inni í myndinni að Reykjavíkurborg fái þetta hús eða íbúasamtök Vesturbæjar. Það yrði líklegast að gerast í gegnum borgina eða eru aðrar hugmyndir uppi um nýtingu hússins? Það kom fram fyrr á fundinum að skólastjóri Stýrimannaskólans í Reykjavík, Guðjón Ármann Eyjólfsson, hefur ákveðnar hugmyndir og er ákaflega jákvæður í garð þessa húss og hefur stungið upp á því að þar verði komið á fót einhvers konar minjasafni en ég er frekar á því að það eigi að nýta þetta hús í þágu hverfisins eins og reyndar hefur verið gert eða var gert á meðan þar var skóli og ekki síst í ljósi þess að það er ekki margra kosta völ varðandi félagsaðstöðu í gamla Vesturbænum og því er húsið auðvitað tilvalið til nýtingar sem kemur öllum íbúum hverfisins til góða. En ég bíð spennt eftir svörum hæstv. menntmrh.