Finnur Ingólfsson
:
Virðulegi forseti. Þessi tillaga minni hlutans gerir ráð fyrir því að enn einu sinni sé gerð tilraun til þess að skerða hag elli- og örorkulífeyrisþega eins og meiri hluti þessa þings hefur verið að á undanförnum vikum, mánuðum, missirum og árum. Tillagan gerir ráð fyrir því að 11. gr. frv. sé felld þar sem í þeirri grein er gert ráð fyrir því að bætur atvinnuleysistrygginga séu skertar til elli- og örorkulífeyrisþega. Staðreyndin er sú að það er hópur elli- og örorkulífeyrisþega sem hefur farið út af vinnumarkaði á undanförnum árum til að rýma fyrir yngra fólki sem hefur verið atvinnulaust í trausti þess að þeir fái greiddar óskertar atvinnuleysisbætur samhliða elli- og örorkulífeyri. Nú er verið að koma í bakið á þessu fólki gangi þessi tillaga meiri hlutans hér eftir. Hins vegar ef tillaga minni hlutans verður samþykkt þá verður komið í veg fyrir þetta og því segi ég já.
Virðulegi forseti. Þessi tillaga minni hlutans gerir ráð fyrir því að enn einu sinni sé gerð tilraun til þess að skerða hag elli- og örorkulífeyrisþega eins og meiri hluti þessa þings hefur verið að á undanförnum vikum, mánuðum, missirum og árum. Tillagan gerir ráð fyrir því að 11. gr. frv. sé felld þar sem í þeirri grein er gert ráð fyrir því að bætur atvinnuleysistrygginga séu skertar til elli- og örorkulífeyrisþega. Staðreyndin er sú að það er hópur elli- og örorkulífeyrisþega sem hefur farið út af vinnumarkaði á undanförnum árum til að rýma fyrir yngra fólki sem hefur verið atvinnulaust í trausti þess að þeir fái greiddar óskertar atvinnuleysisbætur samhliða elli- og örorkulífeyri. Nú er verið að koma í bakið á þessu fólki gangi þessi tillaga meiri hlutans hér eftir. Hins vegar ef tillaga minni hlutans verður samþykkt þá verður komið í veg fyrir þetta og því segi ég já.