Kristinn H. Gunnarsson
(andsvar)
:
Virðulegur forseti. Aðeins vegna samlíkingu ráðherrans við Mannréttindadómstólinn. Það er auðvitað reginmunur á því efni og frv. vegna þess að EFTA-dómstóllinn á að gefa álit á íslenskum lögum til íslensks dómstóls. Hins vegar breytir álit eða niðurstaða Mannréttindadómstóls Evrópu engu um úrskurði íslenskra dómstóla. Þannig hefur t.d. dómstóllinn í Strassborg ekki breytt dómi Hæstaréttar yfir Þorgeiri Þorgeirssyni. Hann stendur eftir óhaggaður vegna þess að Mannréttindasáttmáli Evrópu er ekki lög hér á landi. Þess vegna getur sáttmáli sem ekki er lög ekki verið lögskýring.
