Umhverfisráðherra (Eiður Guðnason)
(andsvar)
:
Virðulegi forseti. Þetta er að verða dálítið skrýtin umræða því að hv. þm. er í rauninni að segja að í hvert einasta skipti sem í löggjöf, sem samþykkt er hér á hinu háa Alþingi, er gert ráð fyrir að sett verði reglugerð um nánari útfærslu, þá sé verið að fara aftan að borgurum landsins. Þetta er auðvitað fullkomlega út í hött og alger fjarstæða.
