Fyrirspyrjandi (Hermann Níelsson) :
Virðulegi forseti. Er það út í hött, virðulegi dómsmrh., að mælast til þess að gripið verði til fyrirbyggjandi aðgerða með ráðgjöf og leiðbeiningum um aðhald í rekstri fyrirtækja og að hvetja til þess að reynt verði með einhverjum ráðum að skapa þann móral sem stuðlað gæti að fækkun gjaldþrota? Ég vil ítreka mína spurningu til dómsmrh.: Hefur hann fullan vilja til þess að hafa frumkvæði í því að sinna þessum málum með því eftirliti sem ég hef hér hvatt til?
