Björn Bjarnason
(andsvar)
:
Frú forseti. Hv. síðasti ræðumaður spurði hvort við, sem stöndum að áliti meiri hluta nefndarinnar og viljum að þessu máli sé vísað til ríkisstjórnarinnar, værum virkilega þeirrar skoðunar að frv., eins og það er, væri til marks um það að vilji væri til að afnema þingræði í landinu. Ég tel að svo sé og tel að það sé eindregið rétt mat hjá okkur að með þeirri breytingu á stjórnarskránni, sem þarna er lagt til að gerð verði, sé verið að þrengja mjög að þingræðinu ef ekki beinlínis að brjóta í bága við það. Það er algerlega úr í hött hjá hv. síðasta ræðumanni að bera þetta frv. saman við 11. gr. stjórnarskrárinnar, 26. gr. stjórnarskrárinnar eða 79. gr. þar sem vísað er til breytingar á kirkjuskipan landsins samkvæmt 62. gr. Það er fráleitt að bera þessa almennu tillögu um þjóðaratkvæðagreiðslur saman við ákvæðin í stjórnarskránni, þ.e. þessi þrjú sem ég nefndi, þar sem er annars vegar um það að ræða að Alþingi vísi forseta frá, í öðru lagi að forseti neiti um staðfestingu á frv. sem samþykkt hefur verið í þinginu og í þriðja lagi um það að breyta kirkjuskipan landsins. Ekkert af þessum atriðum lýtur sérstaklega að þingræðinu heldur spurningum um grundvallaratriði í okkar stjórnarfari og okkar stjórnskipun. Eðlilegt er að slík mál séu borin undir þjóðina. En með því að bera þáltill. eða einstök frv. undir þjóðina væri verið að sníða þingræðinu eða Alþingi þröngan stakk.
Frú forseti. Hv. síðasti ræðumaður spurði hvort við, sem stöndum að áliti meiri hluta nefndarinnar og viljum að þessu máli sé vísað til ríkisstjórnarinnar, værum virkilega þeirrar skoðunar að frv., eins og það er, væri til marks um það að vilji væri til að afnema þingræði í landinu. Ég tel að svo sé og tel að það sé eindregið rétt mat hjá okkur að með þeirri breytingu á stjórnarskránni, sem þarna er lagt til að gerð verði, sé verið að þrengja mjög að þingræðinu ef ekki beinlínis að brjóta í bága við það. Það er algerlega úr í hött hjá hv. síðasta ræðumanni að bera þetta frv. saman við 11. gr. stjórnarskrárinnar, 26. gr. stjórnarskrárinnar eða 79. gr. þar sem vísað er til breytingar á kirkjuskipan landsins samkvæmt 62. gr. Það er fráleitt að bera þessa almennu tillögu um þjóðaratkvæðagreiðslur saman við ákvæðin í stjórnarskránni, þ.e. þessi þrjú sem ég nefndi, þar sem er annars vegar um það að ræða að Alþingi vísi forseta frá, í öðru lagi að forseti neiti um staðfestingu á frv. sem samþykkt hefur verið í þinginu og í þriðja lagi um það að breyta kirkjuskipan landsins. Ekkert af þessum atriðum lýtur sérstaklega að þingræðinu heldur spurningum um grundvallaratriði í okkar stjórnarfari og okkar stjórnskipun. Eðlilegt er að slík mál séu borin undir þjóðina. En með því að bera þáltill. eða einstök frv. undir þjóðina væri verið að sníða þingræðinu eða Alþingi þröngan stakk.