Frsm. meiri hluta efh.- og viðskn. (Vilhjálmur Egilsson)
(andsvar)
:
Hæstv. forseti. Ég vil bara vekja athygli hv. þm. á því til viðbótar að samkvæmt tillögum sem hér voru reyndar felldar í gær var reiknað með því að leggja til viðbótar á 1.600 millj. í hátekjuskatt og 2.000 millj. í vaxtatekjuskatt og ef menn hefðu farið í þetta samkvæmt þeim tillögum sem hagfræðingur Alþýðusambandsins var með, að taka upp vaxtatekjuskatt í framhaldi af niðurfellingu aðstöðugjaldsins, þá hefði slíkur skattur á vaxtatekjur, brúttóvaxtatekjur, þurft að fara upp í 35% og ég held að það hefði ekki verið sérstaklega gæfulegt.
Ég held að ef menn fara að skoða þetta í rólegheitunum og bera saman þessar stærðir hvað hefði í raun þurft að hækka hina almennu prósentu í tekjuskattinum ef menn hefðu viljað fara aðra leið eða hvað menn hefðu þurft að fara með hátekjuskattinn í, sem hefði kannski verið 10--15% til viðbótar af þeirri prósentu sem nú gildir, þá held ég að menn kæmust fljótt að raun um að það mundi vera algjör ófæra.
Hæstv. forseti. Ég vil bara vekja athygli hv. þm. á því til viðbótar að samkvæmt tillögum sem hér voru reyndar felldar í gær var reiknað með því að leggja til viðbótar á 1.600 millj. í hátekjuskatt og 2.000 millj. í vaxtatekjuskatt og ef menn hefðu farið í þetta samkvæmt þeim tillögum sem hagfræðingur Alþýðusambandsins var með, að taka upp vaxtatekjuskatt í framhaldi af niðurfellingu aðstöðugjaldsins, þá hefði slíkur skattur á vaxtatekjur, brúttóvaxtatekjur, þurft að fara upp í 35% og ég held að það hefði ekki verið sérstaklega gæfulegt.
Ég held að ef menn fara að skoða þetta í rólegheitunum og bera saman þessar stærðir hvað hefði í raun þurft að hækka hina almennu prósentu í tekjuskattinum ef menn hefðu viljað fara aðra leið eða hvað menn hefðu þurft að fara með hátekjuskattinn í, sem hefði kannski verið 10--15% til viðbótar af þeirri prósentu sem nú gildir, þá held ég að menn kæmust fljótt að raun um að það mundi vera algjör ófæra.