Ferill 3. máls. Aðrar útgáfur af skjalinu: Word Perfect.
1992. – 1062 ár frá stofnun Alþingis.
116. löggjafarþing. – 3 . mál.
217. Breytingartillögur
við frv. til l. um breyt. á l. nr. 17/1991, um einkaleyfi, og l. nr. 47/1968, um vörumerki, sbr. og l. nr. 31/1984.
Frá iðnaðarnefnd.
Á eftir 1. gr. komi þrjár nýjar greinar er orðist svo:
Á eftir 2. mgr. 75. gr. laganna kemur ný málsgrein er orðast svo:
Einkaleyfi fyrir nautna- eða næringarefnum er hægt að veita á grundvelli umsókna sem lagðar eru inn eftir 1. janúar 1992.
78. gr. laganna orðast svo:
Um meðferð og ákvarðanir varðandi einkaleyfishæfi umsókna, sem lagðar hafa verið inn fyrir 1. janúar 1992, fer eftir ákvæðum laga nr. 12 20. júní 1923 með þeim undantekningum sem leiða má af öðrum ákvæðum þessa kafla.
79. gr. laganna orðast svo:
Hafi umsókn, sem var til meðferðar hjá einkaleyfayfirvöldum fyrir 1. janúar 1992, ekki verið auglýst fyrir þann tíma í samræmi við 13. gr. laga nr. 12 20. júní 1923 gilda ákvæði þessara laga um meðferð umsóknarinnar.
