Ferill 364. máls. Aðrar útgáfur af skjalinu: Word Perfect.
1992–93. – 1062 ár frá stofnun Alþingis.
116. löggjafarþing. – 364 . mál.
1102. Nefndarálit
um frv. til l. um breyt. á l. nr. 22 27. mars 1991, um samvinnufélög.
Frá efnahags- og viðskiptanefnd.
Nefndin hefur fjallað um málið og fékk hún á sinn fund frá viðskiptaráðuneyti Björn Friðfinnsson ráðuneytisstjóra, Finn Sveinbjörnsson skrifstofustjóra og Pál Ásgrímsson lögfræðing. Þá kom á fund nefndarinnar Eiríkur Tómasson hrl. Umsagnir bárust frá Verslunarráði Íslands, Kaupfélagi Árnesinga, Kaupfélagi Skagfirðinga, Lánastofnun sparisjóðanna, Kaupfélagi Héraðsbúa, Tryggingasjóði innlánsdeilda, Seðlabanka Íslands, Kaupfélagi Borgfirðinga, Kaupfélagi Eyfirðinga og Kaupfélagi Vestur-Húnvetninga.
Nefndin mælir með samþykkt frumvarpsins með tveimur breytingum:
Annars vegar verði innlánsdeild heimilt að taka við innlögnum bæði frá félagsmönnum og viðskiptaaðilum samvinnufélagsins.
Hins vegar verði hlutfall eigin fjár félagsins af heildareignum ekki lægra en 18% í stað 20%.
Nefndin mælir með samþykkt frumvarpsins með þessum breytingum sem tillaga er flutt um á sérstöku þingskjali.
Alþingi, 4. maí 1993.
Vilhjálmur Egilsson,
Rannveig Guðmundsdóttir.
Steingrímur J. Sigfússon.
form., frsm.
Jóhannes Geir Sigurgeirsson.
Halldór Ásgrímsson.
Kristín Ástgeirsdóttir.
Sólveig Pétursdóttir.
Einar K. Guðfinnsson.
Guðjón Guðmundsson.