[11:39]
Menntamálaráðherra (Ólafur G. Einarsson) (andsvar) :
Hæstv. forseti. Þetta er eitt af því sem menn geta lesið sér betur til um einmitt í umsögn um greinina. Það er nú einu sinni svo að það er ekki venjan að fara í lagagreinum ofan í smáatriði. Í umsögninni um 22. gr. segir hér, með leyfi hæstv. forseta:
,,Í stöðu rannsóknaprófessors yrðu aðeins ráðnir einstaklingar sem metnir hafa verið hæfir til þess að gegna stöðu prófessors og aflað hafa sér viðurkenningar á alþjóðlegum vettvangi fyrir rannsóknastörf sín.``
Þetta skýrir nægilega hvað þarf að gera til þess að efnt verði til stöðu rannsóknaprófessors.
