[15:15]
Matthías Bjarnason (andsvar) :
Virðulegur forseti. Ég kann illa við svona dylgjur hjá hv. þm. Það hefur engu verið haldið leyndu
í Byggðastofnun fyrir stjórnarmeðlimum, ekki nokkru. Það hefur verið fjallað ítarlega um þetta mál og í fullri samvinnu á milli manna þar. Ég skora á þennan þingmann að taka aftur svona dylgjur. En að ég sem oddviti þingmanna eigi að boða til fundar tek ég ekki að mér því við höfum fjallað um mál í þingmannahópnum þar sem menn hafa svo hlaupið út og suður á eftir þegar búið er að tala um samstöðu innan hópsins og alveg sérstaklega þessi hv. þm.
