[15:42]
Utanríkisráðherra (Jón Baldvin Hannibalsson) (andsvar) :
Virðulegur forseti. Að því er varðar spurninguna um viðskiptahindranir gagnvart innflutningi á bifreiðum frá Bandaríkjunum þá endurtek ég einungis eða vísa til þess sem ég hef áður sagt. Í þessum tilskipunum felst ekki slík viðskiptahindrun í reynd. Og ef hv. þm. trúir mér ekki og vitnar til upplýsinga í hv. utanrmn., þá bið ég hv. þm. að kynna sér ræðu formanns utanrmn. sem sjálfur hafði um það orð í ræðu sinni við fyrri umræður og nefndi til sögunnar eitt tilvik eða svo.
