Forseti (Salome Þorkelsdóttir)
:
Að þessu gefna tilefni vill forseti lesa það bréf sem sent var þingflokki Alþb. en það hljóðar svo:
,,Forsætisnefnd fjallaði um bréf þingflokks Alþb. frá 20. apríl á fundi sínum í morgun. Eftirfarandi samþykkt var gerð á fundi nefndarinnar:
Forsætisnefnd mun ekki hafa afskipti af því hvenær ríkisendurskoðandi skilar fjárlaganefnd greinargerð um sölu á hlutabréfum í SR-mjöli hf. sem nefndin óskaði eftir.
Forsætisnefnd mun taka upp viðræður við ríkisendurskoðanda um hvernig eðlilegt sé að haga skýrslugerð af þessu tagi í framtíðinni, sbr. bréf ríkisendurskoðanda, dags. 20. apríl 1994.
Forseti getur bætt því við að þetta var einróma niðurstaða forsætisnefndar, en tveir nefndarmenn voru ekki á fundinum, hv. 14. þm. Reykv. og hv. 2. þm. Norðurl. v.
