[00:50]
Jóhannes Geir Sigurgeirsson (andsvar) :
Virðulegur forseti. Það sem ég ætla að spyrja hv. þm. að er það hvort hún setji samasemmerki á
milli þeirra hugmynda um fiskvinnslukvóta sem voru í frv. ríkisstjórnarinnar og þeim hugmyndum um byggðakvóta sem Kvennalistinn hefur sett fram.
Í öðru lagi varðandi það að hv. þm. lýsti ánægju sinni yfir því að fulltrúi Þjóðhagsstofnunar hafi lýst því yfir á fundi í sjútvn. að það væri hægt að ná hagkvæmni með fiskvinnslukvóta. Ég vil spyrja hv. þm. að því hvort það hafi komið fram í máli fulltrúa Þjóðhagsstofnunar hvort hann reiknaði með því að sá kvóti væri að fullu framseljanlegur því það er grundvallaratriði hvað þetta snertir.
